close
Feb 9, 2008 -- Day 4
Brusells --> Paris
食完早餐, 就出發返巴黎~
今次只行咗 20 分鐘就到達火車站, 原來酒店與火車站真係咁近 ~
my sweet breakfast, 真的好甜~
返到巴黎酒店後, 首先要出去醫肚!
食得太多意粉和麵包, 見到有 "日本料理" (Asie Gourmet), 再望吓個 menu 都算 "啱食", 老公立即入去, 解決 "思念亞洲菜之苦" ~ 我地一人點咗一個 set lunch, 每人有一客 湯 、餃子 和 炒飯 或炒麵. 個湯唔係 '味增湯', 而係好普通嘅'味精湯' ; 個餃子睇落都幾好, 但食落就 . . . . . . 我叫咗坏 咖啡, 佢比咗坏 expresso 我, 問佢加少少奶都無 ~最後埋單為 26.90歐元, 今餐真貴 ~
'好似' 好好味既餃子.. . . 其實好普通咋 ~
之後開始出發去 shopping!
因要幫人買 LV 銀包, 我們去了 Galeries Lafayette 的總店, 貪呢度好多牌子都有~ 呢度間 LV 真係人山人海!
大部份都係香港人和大陸人 (團), 莫非D銀包、手袋唔使錢 ?? 幫人買銀包之餘, 我自己都睇中咗一個手袋, 問個 Sales 時, 佢話比個法國的 VIP 揀緊, 只得一個, 我都諗住買唔到, 慳番~
點知轉頭個 Sales 問我仲要唔要, 原來個法國人揀唔中, 咁我就要咗佢 
, 真開心! 原本想買 Hermes 嘅斜咩袋比媽咪做生日禮物, 但呢間branch 只有手錶, 無袋 ~ 只好看看其他品牌.
, 真開心! 原本想買 Hermes 嘅斜咩袋比媽咪做生日禮物, 但呢間branch 只有手錶, 無袋 ~ 只好看看其他品牌. 在 Fendi 見到個 羊仔皮嘅手袋, 個款好耐用, 個香港男仔 sell 我地, 仲同我地傾咗好耐, 我地睇完後去其他 shop 揀吓, 最後都返轉頭買咗個手袋, 佢仲介紹咗個商場比我地行, 但離開時已忘記咗個名, 因為係法文 ~
經過之前的 '黑人事件', 我就好小心, 仲係 Fendi 內將之前買咗嘅野放咗落背包內, 但個 Fendi 袋就要手挽, 因個紙袋太大, 仲要係鮮黃色, 我地兩個件衫已經一個白, 一個黃, 呢度 D人個個都著黑色衫, 搞到我地好突出 (好易認) ~ 由於攞住咁大個袋, 退稅後我地就搭地鐵站酒店, 由於是星期六, 地鐵站內真的好多黑人, 其間見到有個黑人跟住個女仔, 因呢個女仔得一個人, 仲要攞住個地圖, 好明顯係 '遊客', 希望佢無事吧 ~
人頭湧湧既 '路易威登 !
返到酒店, 御下行裝, 在附近逛逛後便去 Montparnasse 區 Lafayette 的 Del Arte 食晚餐, 今餐食咗好好味嘅 pizza, 真係前所未有嘅好食! 連唔食 pizza 嘅老公都話好食! 食埋個甜品就 perfect !
超好味嘅 pizza!!! 嗰 'pat' 酸忌廉最 '正' !
好正既飯後甜品
飯後逛逛後便返酒店. 今天的行程就咁結束了~
Feb 10, 2008 -- Day 5
Paris
今天食過個甜早餐後就出發去 凱旋門, 之後直接去行 香榭麗謝大道逛街, 今次行得好小心, 還有些收穫~
.
之後就去 艾菲爾鐵塔, 忘記咗今日係星期日, 好多人啊!
.
仲有好多警察巡邏!
用咗 約 30 分鐘排隊, 之後買飛去到第二層觀光, 鐵塔上很多人, 遠睇艾菲爾鐵塔就好靚, 近睇其實已生鏽 ~ 不過, 係艾菲爾鐵塔上見到個景都幾靚~
.
.望落去D人好細粒 :)
.
仲見到我地住 o個間酒店! 原來唔係太遠~
.
.
約 5:30 pm, 要搭地鐵返去我地住o個區 - Montparnasse, 之後又去 Lafayette 的 Canteen (Del Arte) 食晚餐,今晚食其他款式, 又有驚喜 
.
食埋件甜品就perfect~
Feb 11, 2008 -- Day 6
今日要去倫敦, 早餐後就出發 ~
my sweet breakfast ~
.
臨上車在買了杯朱古力和一件批作午餐~
超甜的朱古力, 要加水先飲到...
到達倫敦後, 發現原來落咗地鐵後, 仲要行好遠先到, 好彩有人教我地點去.
終於到達酒店, 好彩呢間酒店比法國的好 ~
御下行裝後就去 Oxford street 逛逛, 之後在 Zara 和 John Lewis 內買咗D 野, 其中有支 "Neal's yard" 嘅 Lavender deodorant 好香, 用後間房好清新!!
飯後就返酒店 ~
Feb 12, 2008 -- Day 7
今日既早餐好過法國酒店嘅多多聲 ( 雖然要加 2.50英鎊)~
.
早餐後就出發去大英博物館,
佢地有個主題係 '中國既兵馬桶' (要收費), 我們不需看兵馬桶, 還有其他雕塑看, 好莊觀!
.
還有其他國家 (主要亞洲) 人死後的葬法, 最特別是看木乃伊, 都幾恐怖~
真的很"倫敦" 
之後去 西敏寺, 途經大苯鐘影張相留念~
之後就入 西敏寺參觀 (Westminster), 入場費為 10 英鎊, 其實都好貴, 呢度葬咗好多歷代大英皇族, 建築物 (墳墓) 好莊觀, 好靚, 不過, 無得影相, 好多皇族都唔識 ~
.
離開後去 London Eye , 只係下午, 所以無上去, 只是遠看~
再去白金漢宮看看~
.
逛咗咁耐, 很肚餓啊! 出發去 Covent Garden喇~
到達 Covent Garden 後立刻要醫肚, 附近主要都係食麵包, not our cup of tea~ 之後去咗好親切既 'Pizza Hut' 食個 tea buffet, 食到好飽, 今餐為 15.63 英鎊. 其實都幾貴, 但無計 ~
之後在 Covent Garden 內 的 Boots 買咗好多野, 雖然無得退稅, 但每次買滿 10 英鎊, 就會回饋 5 英鎊, 此 coupon 只可買 No. 7 的 產品, 但計落都底!
差不多 4:30 pm, 要拿拿聲搭車去 Harrods 商場 行街!
又有唔少收穫! 買咗好想買既 Mulberry 銀包 和好多朱古力, 呢度既 display 仲好靚 !
約 7 pm 就要搭車返酒店, 因我地行番酒店都要 15-20 分鐘, 日間環境就幾清靜, 夜晚就 清靜得有少少 '恐怖' , 可能地方太大吧 ~
下午茶食得太飽, 無食晚餐, 晚上在酒店食杯麵做宵夜 ~
Feb 13-14, 2008 -- Day 8-9
London --> HK
今早食過早餐後, 去了附近的 Hyde Park (海德公園)行行, 很健康哩 
~
~ 這裡的陽光和空氣真的非常好, 公園內很大, 有很多人跑步、曬太陽或放狗! 在這裡行了差不多 1 小時, 還未行完!
偷影黃生的, 好搞笑 
之後去了 Knightbridge 的 Harrods 幫人買銀包, 差D 忘記咗買, 好彩買到! 想在附近醫醫肚, 但所有快餐店也超貴!!
橫掂都係貴, 我們便入咗一間幾 high 嘅餐廳食 lunch, 承惠 HK$325.50, 在這區已算 '經濟', 但好美味~
咁啱情人節將至, 我地食埋"情人節餐" ~
Valentine's Lunch, yummy~
之後去咗 Selfridge逛街, 這裡很大! 牌子也很齊, 但價錢好似較巴黎貴, 在這裡只是逛逛便算.
再沿途逛逛, 買了些 化妝品, 朱古力和手信就開始返酒店, 要執野準備返香港.
好鐘意呢間朱古力店! 忍不住買咗好多手信
行行吓街見到有間食Waffle 嘅小店, 又忍不住入去試吓 ~
真係忍不住口 ...
其實好唔捨得, 呢度好多野睇, 又好多野想買, 但倫敦消費太高了 ~
在機場的 'VAT Customs' 內很多人退稅, 有八成都係香港人或中國人, 華人的消費力真勁! 好彩預多咗時間用作排隊~ 這裡過關很嚴密, 做完一般手續後, 更要 '除鞋' 檢查, 但指示又不清楚, 搞到 '除鞋過關' 的 area 場面混亂, 睇落都幾好笑~ 臨上機前食咗個好差嘅 pizza, 1 枝 orangina + 茄汁意粉, 承惠 HK$200 ! 真貴!
臨上機前食咗個好差嘅 pizza + 茄汁意粉, 難食 ...
咁就去完個旅行, 好想好快就可以再去過~
文章標籤
全站熱搜
留言列表
