close
近來份工真的越來越難做, 真的適應不到男上司, 有事問佢, 佢又唔想答; 跟佢意思做, 客人有 feedback, 佢又話叫我地唔好咁講...... 壓力真大, 今天請咗一日假去做 body check, 順便斗吓 ~
前天我發現於上年七月時做漏了一件事, 跟男同事商量後, 就講比男上司聽 (因為只是一件小事, 男同事覺得好容易處理, 就講比佢聽). 我都知男上司實會話幾句, 但估唔到佢係度發顛, 男同事都覺得好突然, 做咩咁勞氣呢?? 我都知老闆有D野令佢好煩, 但佢都唔可以搵我出氣嘛, 佢成日無記性 (或扮傻), 依家份工, 對住好多高層, 同事, 仲有D "有錢租客", 真係日日都有新挑戰呀! 太多突發事件, 好難解決 ~ 對住男上司就令我諗起 N 年前係中環o個份工 - 要對住變態老闆娘 (當時佢大肚中), o個份工真係最辛苦, 因為o個兩公婆似住自己有錢, 日日搵人出氣 - 變態老闆娘專搵女仔來鬧; 男老闆用粗口鬧男同事們 + 動粗 (對某個男高層), 當時好多人都唔會做超過2年, 我都唔例外, 但o個時都只係受2-3 個人氣, 佢地係老闆, 無計啦, 唯有唔做 ~
跟男上司講完後, 我地大家靜哂, 繼續做野, 四周的同事都覺男上司黑口黑面, 但我要照對住佢, 無計 ~ 約 6:40 pm 離開公司, 因為 25th 是老公的生日, 之後去咗食 buffet, 唔理咁多 ~
直至昨天, 早上時男上司叫我和男同事入房, 再詳細傾傾 (我都預咗) , 我已經諗住, 如果佢再發顛, 問完又問或講完又講, 我就遞信, 等佢請過第二個人做, 我真係唔識做! 上年八月中到現時仲未請 HR 個位, 錯就要我 '咩' 鑊! 我同佢傾時, 我都無咩表情, 真的笑唔出, 佢問我就答, 跟住, 男上司慢慢話 : "我諗咗成晚, 其實大家要諗方法避免有錯誤, 點解要一齊傾呢, 因為大家都係 long term 架嘛, 唔係話做幾個月就走 (辭職) 嘛, 如果做幾個月就換人既, 就唔洗坐低慢慢傾啦, 係咪 ?" 好明顯, 呢隻老狐狸估到我想辭職, 為自己舖定後路, 講完後, 仲露出個好假既笑容 ~ 最慘係遇著呢個金融海嘯, 想轉工都要捱住先 ~
各位朋友都要小心身體, 不要比太大壓力自己, 要學放鬆, 仲要記得定期做身體檢查呀!
全站熱搜
留言列表
