Happy Joan的部落格

上星期又去咗婆婆度, 因為又要去飲, 仲要係合府統請! 所以帶埋亞仔去飲, 又有餐食!

之後幾天約咗朋友聚一聚, 過幾日又要去飲多餐, 今個星期真係未停過口~


下午已入去婆婆度, 等佢期間突然想食香蕉船, 因為細個時成日係呢間餐廳食香蕉船, 就叫一個, 令我有番兒時嘅回憶

比少少亞仔食, 佢見到 'Banana' 就猛話 '食 食 食'

LUNCH 後帶咗亞仔係餐廳隔離個公園玩'SIR 滑梯', 隻衰豬好開心, 又玩到唔捨得走....

亞仔掛住'SIR' 滑梯, 跑得仲快過前面位'姐姐', 要'喝' 住佢先肯讓姐姐玩先 ~

第二日同婆婆食完LUNCH 就返屋企, 是日食日本放題, 我唔太食生野, 但有好多熟食選擇, 啱哂我, 亞仔食肉和烏東, 佢自己食咗成碗烏東喲 !

亞仔返到屋企第一時間就係排佢心愛嘅車車喇~

咁就過咗兩日, 時間過得真快! 早幾天的天氣非常潮濕, 搞到我第二日起身條頸都 "淵淵"地, 可能成日同亞成出街, 咩住個奶粉袋都幾重, 有時又要抱佢 (無帶車仔).  雖則我成日話想減肥, 但又成日食野,因太勞動啦, 唔食野真係唔夠力抱亞仔...

亞仔衣家把口無停, 日日同佢講野和唱歌, 把聲都沙沙地...  今日同佢沖涼, 又掛住玩車車唔肯放, 我話咗佢幾句, 最後要鬧佢先放底D車...

 我話: "沖涼唔可以帶車入來, 日日都係咁, 係都要鬧你先安樂嘅!"

亞仔: "安樂" , "安樂"

真係比佢吹脹, 好似好好笑, 但當時又要忍住唔可以笑...

   衣家同亞仔出一日街, 要抖番兩日先得啦 ~