My trip during CNY_Feb 5 - Feb 14, 2008 (1/2) @ Happy Joan的部落格

Feb 5-6, 2008 -- Day 1

HK --> 經 London 轉車去 Paris

今天搭晚機出發去倫敦, 在火車站等候期間, 在 "Affaire Crepe" 內食早餐, 每人一個薄餅早餐 --- 承惠約 HK$125~

之後轉車去巴黎. 約 3:30 pm 到達巴黎, 好快就搵到酒店 (好好彩

) , check-in 後就出去逛咗一陣, 在街頭影相時突然有個人企咗係我隔離, 比佢嚇一嚇, 佢都係友善既~ 晚餐就於 Montparnasse 區內的 Galaries Lafayette 西餐廳 (Del Arte) 內食, 這間餐廳內的食物很有水準, 但 waitress/waiter 就比較 '他條', 係!! 比食客更 '他條', 這就是法國人的態度 ~ 飯後去了附近的街道行吓, 明日先開始買野 ~

到咗巴黎啦! 搭地鐵去酒店先~

真係比佢嚇親 ...

Check-in 啦!

去醫肚先, d食物好好味呀!

Feb 7, 2008 -- Day 2

食過早餐後, 開始出發去聖母院 (Notre Dame).

這裡好靚, 入到教堂內令人覺得很寧靜, 還有些小朋友到這裡參觀哩! 附近河岸的風景很美麗, 陽光也很好, 令人心情都輕鬆D !

)

中途見到迴旋木馬, 夜晚應該會較浪漫哩 ~

行完之後便去羅浮宮 (Musee du Louvre) ~

這裡很多人啊! 很難想像假期會怎麼樣 ~

途中無什麼好食, 在羅浮宮內食午餐, 這裡的午餐 '好似' 很多選擇,

但全部都係 '預先煮定', 睇落都 OK, 但食落就 ... 真的麻麻, 好彩都係熱嘅, 但就 overcooked ~ 今餐承惠 26.15歐元 (約 HK$314), 超貴 ~ 飯後開始參觀, 入場費為每位 9 歐元, 但入面有好多野睇, 行到好累, 行咗約 3 小時就離開.

大家都專登來睇嘅蒙羅麗莎~

真的每個角度都好似向住找笑喎!

之後出發去香榭麗謝大道 (Avenue des Champs Elysees) 買野!

逛逛吓見到 "Hong Kong Bank" 便想影張相, 影完後, 突然有個 '黑色物體' 望住我 ==> 之後望住我部相機 ==> 之後再 '厲'住我, 我無機會放好部相機, 佢個樣好恐怖, 個額頭直頭寫住個 '賊字' !

佢跟到我好貼, 之後老公立即刻拉咗我入一間 'Orange' 鋪內, 佢跟咗入來, 佢偷望我地, 我地趁佢望另一面時跑出去, 之後直跑去有警察嘅地方, 好彩佢之後無追來~ 原本我地想直去 '凱旋門', 但怕他有同黨, 我地就行快幾步去地鐵站, 直返酒店 ~ 今日買咗全日地鐵飛, 但只去咗2 個地點, 最衰係個黑人, 令我地蝕錢, 比佢嚇一嚇, 搞到無哂心機!

就係呢度比個黑人嚇親!

返到酒店內 hea 吓, 便出去食晚飯.

老公不想再食麵包, 我地入咗 Bistro Romain 嘅法式餐廳食 dinner.

這裡的食物好美味, 吃完已很飽, 之後個餐仲有個甜品 -- Chocolate mousse, 我以為好細坏, 點知原來好大坏 o架!

個 mousse 唔係差, 但就甜咗少少 ~ 今餐承惠 32.20 歐元, 比之前的更貴 ~

飯後逛逛藥房和去咗 Mango 買衫, 之後就返酒店.

Feb 8, 2008 -- Day 3

Paris --> Brusells

今朝 6 am 就起身, 食過早餐後要去搭車去比利時的 Brusells, 初時搭錯站, 好彩有個好心人教我地搭車, 仲早到車站添~ 去Brusells 嘅車程約 1.5 hours, 坐對面的婆婆仲幫我地影相添, 真好!

聽講 Brusells 好細, 我地只得一張好簡單嘅地圖, 搵咗好耐都未搵到酒店, 我地問路時, 幾個人都指錯方向, 可能酒店名相似吧, 途中見到尿尿小童塑像(Manneken pis), 先影張相~

行到又餓又累, 買個 waffle 醫肚先 ~

一段只行 20 分鐘的路程, 我地花咗差不多 2 個鐘頭先行到!!! 好累呀, 要坐一陣先再出去 ~

第一站去大廣場 (Grand Place), 呢度真的很舒服, 但好多人, 我地影相時, 有對住在附近鎮嘅老夫婦來觀光, 主動幫我地影相, 仲要帶我地去尿尿小童塑像 , 之後我同佢講我地已去過, 仲影咗相添, 之後佢話: "then your trip in Brusells already completed!", 真搞笑, 佢地以為我地係日本人, 知道我地係香港人之後, 仲問我地香港是否已回歸十年, 佢地對中國都好有興趣~