close
奇人/怪人?
今日跟鬼婆和影后去澳門開會，差不多落巴士時影后突然打電話比我， 話已經到咗，係某個地方等我，但其實仲有15 分鐘先夠鍾入閘~ 經佢呢個電話嚇一嚇，差Ｄ唔記得落車, 因平時唔係呢個站落. . . 落車後先發覺忘記攞傘, 把傘雖然唔係貴, 只係之前係 ISA KNOX 買野嘅 gift, 但我好鐘意, 平時都好少用, 怕整污糟把傘, 而家就 . . . . . . 唉 ~
好彩落車時已停雨, 我地入閘後坐豪華位, 我地3個人連房內3人 共有6 人, 大家都好靜. 我和鬼婆叫咗三文治做早餐, 影后叫咗牛肉麵, 佢話 '試吓喎', 早餐到時我和鬼婆都未開始食, 影后就開餐, 佢同對面的男同志一齊食牛肉麵, 可能好好味, 兩人都食到 '咮咮聲', 之後影后又同我傾計, 佢問我件三文治好無食, 又問我結婚D野, 鬼婆就叫佢 stop talking, 佢話人地個個都咁靜, 我地都唔好講野. 但影后就唔多理佢, 繼續細聲同我傾計, 佢好似對我結婚前、後都好有興趣, 即使我已聽緊歌, 佢仲要問, 真煩, 好彩講多兩句鬼婆又話佢, 佢先肯停口, 之後佢見鬼婆唔食三文治, 只飲咖啡, 佢就消化埋鬼婆份三文治, 佢話原來佢今朝已飲咗 2 大坏水, 食咗一碗粥 和 一碗粉仔, 依家再食埋咁多野, 真犀利! 不過亦因為佢忙住食, 我就罰到落船, 唔使再應酬佢 ~
落船後好好人的廠長車我地到佢廠開會, 開會期間我已見到影后好似想除鞋, 但我寫緊野唔得閒望佢. 開會前整張枱都係 samples, 而張枱係透明, 開完會後張枱就空空的, 可以見到枱下的所有野 -- 差不多時候去食飯, 突然影后在著絲襪, 係! 係著短絲襪! 之後鬼婆話: 『what are you doing?』 影后笑住話 "著鞋lor ". 仲好似好 cutie 咁~ 真係頂佢唔順! 之後鬼婆用奇異嘅眼神望住佢, 話: 『 You're so unbelievable! 』 我就係度忍唔住笑, 影后話我笑咩喎, 佢平時係公司都係咁 o架啦! 係, 係自己公司都算啦, 當我地時運高睇唔到, 但係人地公司, 係咪應該有番D禮貌呢? 佢仲成日覺得自己係 上等人, 其實最 cheap 係佢. 之後我地去咗黑沙嘅 Farnado 食飯, 又係食燒乳豬, 好似每次來都要食咁, 今次我地坐入面, 如果無 book 位都要行番出去, 因今日都幾 full~ 臨走前我影了幾張相, 鬼婆仲笑我:『 so, it's tour~ 』 我只向佢笑一笑, 今日嘅天氣不太好, 所以影后都無話要影相. 之後我地就去第2 間廠開會.
在返香港途中呢個白痴又有D笑料, 又係unbelievable 嘅野, 連鬼婆都好似頂佢唔順, 但有時又要靠佢, 所以鬼婆都要就吓佢. 落船後已 5:45 pm, 之後返公司做埋D 手尾, 7 pm 就鬆人 ~
全站熱搜
留言列表
