Happy Joan的部落格

 

鬼婆又來了, 今次比以往遲咗幾日, 見少幾日都好D ~

 

昨日影后又同 shipping 同事講有關之前新年時影后跟 shipping 同事提及送份禮物比佢, 作為佢在公司做咗 20 年嘅禮物.   無錯 - 係今年新年時已講過, 但同事問影后 budget 時, 影后即時話 "你唔好買咁貴呀!"  咁 shipping 同事問佢比幾錢, 有無 $1000, 影后即時兼貴!   又要送 '大禮', 又要有限制, 之後 shipping 同事話 "咁不如唔好送啦", 但影后又話 "唔好, 要送既, 作為為公司做咗咁多年嘅獎勵嘛",  人又係佢, 鬼又係佢~     今日仲搞笑, 影后今朝一返來同 shipping 同事講, 見到有對金飯碗和快子, 只係 $999, 咁 shipping 同事問佢係邊度見到, 想去睇吓, 影后竟然話 "唔知", 但佢又同人講 "見到", 佢真係白痴!   shipping 同事都懷疑佢睇咗 "999" 足金嘅字眼, 就以為係 $999!!    同事仲話都唔知佢係咪偷渡來香港o架!  金鋪唔會標價錢嘛, 通常只會標重量, 咁嘅 common sense 都唔知, 真係白痴!   笑死我啦 ~

 

昨日到工廠開會, 鬼婆, 潮州怒漢廠長 和我 都忙著寫筆記或其他工作, 但影后就坐係度飲diet coke, 自己仲帶咗半個鮮檸檬 , 做自制檸樂.   突然鬼婆問影后: 『 點解個個都咁忙, 得你無野做既?』   影后就仲笑住咁話: 『我一直都係咁 ga 啦~ 』  鬼婆都無佢乎, '厲' 咗佢一眼就繼續工作!    真係頂唔順呢對 "茶保老 twins" !

 

我返到公司跟同事們講呢件事, shipping 同事仲話: 『唔知佢會唔會怕羞?  如果我係佢, 我會 '搵地方 'lei' !   面皮幾尺厚! 』  笑到我肚痛 ~

 

無經無險, 佢地要出去 shopping, 我就 6 pm 收工!  準備明日去澳門工作~

 

.