自有咗小B呢 5個月, 要戎飲奶茶咖啡, 尤其是今年開咗好多不同珍珠奶茶的店舖, 得個睇字, 真的很辛苦, 但都要忍. 忍 . 忍. 忍 ....
除咗mocha, 以往進入冬天, 我最鐘意飲 starbucks 既 gingerbread latte, 真係唔知點解, 好鐘意o個陣味, 依家諗起都想飲呀! 都係想吓啫..... 以前要返工, 一到有假期, 就會搵d好hea 既地方, 慢慢歎, 周圍試吓唔同既奶茶咖啡或美食, 依家就要忍吓口啦 
得知今年開了一些新的 cafe, 以免出年會忘記, 要係度記低佢, 等 '將來' 我可以歎咖啡時, 再逐一去試!
好似 上個月開, 來自意大利既 @REX CAFE (地址: 中環干諾道中41號盈置大廈地下04號舖), 佢坏 Cappuccion Ghiacciato (凍飲), 選用意大利的 ATT咖啡豆, 焙烘方法與其他品牌不同, 睇落好似cream 味十足, 加了糖漿... 聞都唔敢聞, 我都驚自己忍唔到口.... 再加埋件煙芝士, 車厘茄, 香草薯仔伴雞胸, 芝士溶在雞胸上, 見到都流口水
另一間是來自意大利南部城市拿坡里既 CAFE KENON (地址: 銅鑼灣耀華街39號地下), 佢出名既係Espresso (HK$10), 不過 Espresso 真的不是我坏茶, 太苦的我受不了.... 但佢坏 Latte Macchiato 我就好想試吓, 加上它的奶泡和 咖啡 分兩杯盛載，自己將咖啡倒入打得軟滑的奶泡內, 讓奶均勻地散佈! 而 Espresso Nutella con panna (榛子朱古力的espresso) 也很吸引哩!
Espresso Nutella con panna Latte Macchiato
仲有一間係屬趕時間一族的CAFE, 飲完就行喇~ 是來自新西蘭的 FUEL ESPRESSO (地址: 中環國際金融中心3023 號舖) 雖則無得坐係度慢慢歎, 但佢坏 Fuel mocha 標榜 比一般mocha 更rich, 夠creamy 和咖啡味更濃!
呢坏Fuel mocha, 見到都想飲呀!
暫時記住咁多先, 遲吓有好野再放入備忘內!
留言列表
