Happy Joan的部落格

11月28日係我地結婚4周年啦!

9 am 就落去食早餐, 已經有人在排隊, 我地等咗約5分鐘就可以入去.

早餐都有好多選擇, 不錯吖~
連香檳和 macaron 都有, 真係代表法國哩~ 我見好多人都唔執輸, 早餐飲香檳, 我就寧願飲咖啡喇~

亞仔坐定定自己食麵包, 仲想學我地搽牛油添!

只需跟侍應order 咖啡, 好快就會送上一瓶 ~

果Jam每枱有4小瓶, 用唔哂可以攞走 (但天氣熱時小心變壞 ^^)




我嘅早餐份量只係食咗咁多 (下圖), 不過, macaron 只食咗一啖, 超甜, 好似食咗一口糖咁! 食咗都驚會糖尿病 ...
老公食得太多, 飽到連午餐都唔想食, 哈哈~

出面泳池好舒服, 原本想坐出面食早餐, 但驚亞仔會衝出去個泳池度, 所以都係坐番裡面~

check-out 完之後, 去Michael Jackson 展覽館睇吓.

一入到去已見到門口已經見到 MJ 其中一個招牌動作 ~

參觀完 MICHAEL JACKSON 展覽館, 之後就去GALAXY 食少少野和參觀一吓.
GALAXY 真係好大, 但應該夜晚會靚D!









就到聖誕, 周圍都係薑餅人!






我地飲果汁, 比亞仔見到, 又要搶住要, 影相都唔肯放 (其實裡面係空架, 哈哈)

到'銀河' 美食坊食野, 唔可以比錢, 要買張增值咭來做貨幣, 面額係$50 或 $100, 用剩的可以退回.




去完GALAXY, 順路去威尼斯人酒店影相.

呢間shop d Hello Kitty 擺設好靚, 我唔係 Hello Kitty fans 都忍唔住要影低佢!

亞仔o罰醒啦, 影番張相先~


粉紅色聖誕樹, 幾型!

亞仔o罰醒見到呢個肥佬 (Santa claus) 好驚驚 .



諾諾B到此一遊! 




行完威尼斯人, 搭shuttle bus 去 新濠天地, 個天幕表演麻麻地咋... 原本想去2樓嘅童夢天地, 比亞仔玩一陣, 但入場費2個大人 + 1 個小朋友 玩兩個鐘差不多要 MOP200, 玩完後又要急住上船, 所以最後都無玩, 望吓就算喇~











之後原本想去氹仔佛笑樓食野 (係Galaxy 食咗少少野), 但去到正值人地落場時間, 轉咗去 cafe cheri 食個late lunch

亞仔好累喲, 要嘆番支奶先~






澳門之旅最後嘅行程就係買手信~ 買手信~ 但其實我地買咗好少野, 因個袋已經好重, 又有架士的車, 我地落船後將會去海運影相, 唔想再增加個袋嘅重量~

返到香港啦! 係海運影咗一陣相就走喇, 呢兩日周圍去, 亞仔太累了...

  



今次結婚四周年嘅慶祝, 真係好辛苦, 去完呢兩日, 成身散哂咁, 應該住兩晚會好d ....