Happy Joan的部落格

上星期日早上出發去澳門過結婚四周年.   原本想住銀河, 但我太遲book 房, 已經full 哂. 連四季, MGM 和 永利都full 埋, 就唯有揀 Sofitel .

其實老公有d唔舒服, 因佢星期五去應酬飲得太多酒, 嘔到個胃有d痛和喉嚨傷咗, 但休息咗一日和我迫佢食多咗 "風克" 和 "逍遙" 已經好咗d.  訂哂船飛和房間, 無得退錢, 照去~ 

去到碼頭, 亞仔覺得好新鮮, 臨上船我同佢講呢d係 "船", 即係平時係海面上見到o個d哩~ 佢諗咗一諗, 講 "車車"... 我再講 "船", 佢都係覺得o個d係"車", 係佢眼中暫時咁大架嘅都係叫'車車', 真係比佢笑死~

落咗船已經2:20 pm, 即刻走去Sofitel hotel check-in 先! 原來Sofitel hotel 係 舊區內的, 附近夜市好多野食, 但無靚景可言...

 

臨出街前, 比亞仔嘆支奶先~

  

酒店提供的浴室用品係 L'occitane, 我攞咗支lotion 返屋企, keke~



房間都幾舒服, 但幾多塵...

  



放低d行裝, 就搭車去 AIA Tower o個邊同老公個客人食tea. 兩個鐘後就開始去MGM 度行吓, 影吓相, 7 pm 食buffet.






去MGM 途經 新萄京, 永利 和新開嘅 One central macau, 影吓相先 (不過, 亞仔已經累到o罰著咗lu~)

 





因時間和唔就腳關係, 無同亞仔上澳門旅遊塔, 原來遠影都幾靚喎!





呢度就係新開嘅大型shopping mall - One Central Macau, 好似中環嘅Landmark 咁~





到MGM啦!

 

  

 

 

一心諗住去MGM 個花園廣場度影聖誕景, 但估唔到佢未開, 裝修緊, 好失望...





(好大範圍被木板圍住, 忍唔住偷影咗少少...)

 

 

影咗一陣間相 (都無咩特別景好影), 去食buffet 喇.

 

 亞仔o罰醒就精神哂, 牙籤都可以玩一餐, 古靈精怪 ~

 影咗部份嘅美食, 但選擇不太多~

 

張原本好靚, 但 out-focus 咗添 XD

 

甜品好似好多選擇, 但大部份偏甜~


食完野係 shopping mall 行吓, 順道去睇 '吉祥樹', 亞仔見到呢幾架'車車', 雙眼發光!

'吉祥樹' 表演開始喇!

亞仔睇到眼定定! 佢應該覺得好奇怪, 點解突然會有棵樹升上嚟?!





呢個燈式好靚!







當棵樹升起哂時, 我都撒咗$5出去~

呢個表演都幾震撼, 好似機關咁, 睇完好多人拍手掌.

 

 

 

不得不佩服國內同胞嘅威力, 大量同胞都係用 '愛馬仕' ...

 

  

我無咁嘅財力, 望吓好了~

 

夜喇, 之後要返酒店, 亞仔應該都好疲累~

  

 同亞仔沖完涼先o罰攪, show 張亞仔嘅祼照出來喇 ^^

 

氹完亞仔o罰攪都11:30 pm, 之後老公大約用咗40 分鐘去咗賭場拉老虎機, 輸咗$100 , 我覺得佢咁累仲走入去賭場實輸啦, 但佢話來澳門無理由唔賭吓, 咁就由佢啦~

待續...