Happy Joan的部落格

停咗兩堂BB班, 今日亞仔上番playgroup, 今堂竟然有11個小朋友上堂!   Miss 都好surprised, 仲好似好辛苦咁添~

其實亞仔呢班名義上係"音樂班", 但今堂有幾個兩歲幾既小朋友來上堂, 佢地應該轉上另外大個d嘅活動班嘛, 個Miss 好似都有同d家長講過吓. 

 玩呢個"朗朗", 亞仔初時好驚驚, 唔肯戴, 後來見到其他小朋友都戴住行來行去佢先無咁驚~

上堂走來走去期間, 有幾個小朋友都有打咳嚏, 有一個仲要向住亞仔打咳嚏, 仲要打咗兩次添!  我即時抱起亞仔, 佢打完咳嚏, 佢嫲嫲仲無同人講唔好意思或叫佢掩住個鼻, 好似無野咁繼續上堂, 超過咗呢個年紀仲唔教, 等幾時先教呀??

亞仔好似高咗好多, 同2歲幾o個幾個小朋友差不多高, 其間佢走去同人"打招呼", 大力咗d, 推咗人地一吓,  嚇到人地個家長呆咗, 我都唔好意思, 可能人地以為佢超過2歲仲咁樣打招呼,  以為佢無禮貌喇...

差不多上完堂亞仔已經想o罰攪, 猛係度捽眼, 但返到屋企唔肯o罰喎!   玩到食埋飯, 再同我落多次街先肯o罰, 一o罰就o罰咗3個鐘, 真係叉足電喇~