Happy Joan的部落格

昨日係婆婆度罰, 亞仔今朝起身見到我隻 pooh pooh, 走去錫咗佢一啖,  佢好似好鐘意佢咁, 昨日出街都想帶埋出去, 隻pooh size 都唔細架, 帶埋出街都幾攞命...

原本我地今日有個行程, 但早上發生咗單小意外...     亞仔今朝飲完奶就玩一陣啦, 咁佢同pa pa 玩緊, 突然走咗過嚟我度, 我係房度整緊d野, 就叫佢出去同pa pa 玩.  我仲帶咗佢行出房門幾步.  當我想關門時, 發覺好似有d野阻住對門, 就開番門望吓, 同一時間, 亞仔係度大叫!   原來佢隻手指仔啱啱放咗係隻門鉸度呀!!!    佢喊得好大聲, 因為好痛呀, 我已經慢慢關門, 如果我大力d'嘭'門, 可能佢隻手已經.....

pa pa 即時衝咗過來, 我地即刻抱起佢, 佢挾到隻手指尾, 隻手仔震哂咁, 真係肉都赤呀 

我地驚佢會傷到d骨, 之後同佢去咗睇醫生.  醫生話佢d骨90%無事, 只係瘀咗和腫咗d.  為咗安心, 之後同佢去咗照 x 光, 報告都話無事, 咁先安心咋.

唉, 真係比佢嚇死, 以後要更小心睇住佢喇, 不過, 佢只係喊咗一分鐘, 又繼續玩~

之後返屋企, 係個商場度見到有架Thomas 既車車, 佢離遠已經係度大叫, 係架車車面前唔肯走, 就比佢玩一次, 佢開心到震, 今日整親既事好似唔記得哂lu ~