close
呢幾日同亞仔出咗街, 發覺佢好似明白咗好多野 (當然, lau 眼o罰唔計).
踏入13-14個月時, 佢成日失控, 攪到我有時都會大發脾氣! 因為講極佢都唔明, 當佢好似明明地喇, 又亂掉物件, 係街發爛, 真係想鬧爆佢架! 上星期仲成日跌親, 行路又唔帶眼, 又亂掉野, 又唔比其他人抱, 係要痴住我, 真係唔敢帶佢出街呀. 呢幾日又好似好少少, 頭先氹佢o罰攪時, 突然有個感覺, 覺得佢好似個人'定'咗好多, 呢幾開始比以前笑多咗, 識氹番我地, 明理咗好多 (小朋友出哂名唔講理嘛), 雖則佢仲係BB仔一個, 但頭先陪佢o罰攪時, 望住佢, 諗起佢呢兩晚佢有好大轉變, 我突然有一刻既感動! 可能呢d就係做咗媽咪既唔同~
雖然唔知過多幾個月可能佢更會有自己既思想, 可能會難教d, 但起碼我覺得要好好珍惜呢段咁開心既時間 
全站熱搜
留言列表
