Happy Joan的部落格

上星期五同亞仔出街街, 去咗間有小朋友區既餐廳食飯, 佢仲玩得好開心, 唔捨得走~

之後去咗買亞仔D野, 亞仔見到Thomas 既衫仔, 即刻開心到大叫!  PA PA 見佢咁鐘意, 買咗件衫仔比佢, 跟住仲買埋套Thomas 餐具佢比添!  開心到佢哩~

一上車返屋企, 亞仔好想罰攪,我地唔比佢罰, 諗住返屋企先罰, 比d野引佢注意, 又攞件新衫, 又攞隻叉仔玩和食.   返到屋企仲玩緊~

點知....  第二日下午, 要同亞仔出發去auntie mi mi 屋企玩, 亞仔就出疹喇!   初時只有少少, 有時又退咗D, 諗諗吓都係同佢睇咗醫生先.    醫生話佢出風疹, 問咗我好多佢食過D咩, 玩過D咩等等問題, 最慘佢之前o個晚玩得太多野, 可能係餐廳D玩具唔太乾淨, 可能出街食咗其他野, 又可能係件新衫仔, 又可能係'lam' 過隻未洗過既新叉仔, 太多"可能", 醫生都好難判斷到個原頭, 只可以食抗敏感藥啦~ 

之後去咗auntie mi mi 度玩, 佢仲安排咗好多野比亞仔玩, 佢都唔知玩邊樣先好, 忙到佢哩, 我地一路睇住佢, 一路食mi mi 整既午餐和傾計, 真happy~

亞仔玩到攰, auntie mi mi 仲攞埋張私家床褥出來比亞仔罰攪, 我地又可以繼續傾計, 又唔使出去同人迫, 正!

當日早上仲掛緊1號風球, 我地臨走時落雨, 帶住亞仔有D 'lei hea' ...  之後同MICHELLE 一齊去咗流浮山食野, 之後就要返去同亞仔食藥喇, 咁就一日, 我o個晚都好好罰添呀~