Happy Joan的部落格

 

 

今日返到公司, 勁多 email, 全部都係昨日我比鬼婆 d 相, 佢有 feedback 返嚟 - 40 張相有 12 張要重影, 大多數 comment 係  "out of focus", 我都知實要重影, 所以帶咗自己部相機返公司, 哈哈!    影后問我點解會咁,  起初我都敷衍佢, 但講極佢都唔明, 我唯有話其實好多時影完相後, 我都係用 同事部機揀相, 之後先 email 比美國 approve, 咁昨日無咁多時間, 只用我部電腦睇, d 色應該同 LCD Monitor 會唔同, 睇得唔係太清楚,  咁有好大關係, etc . . . .     咁佢就無聲出  (可能佢估唔到我會咁樣講) ~  之後佢又問部相機有無問題, 我就順勢 話相機都係因素之一, 呢部機只有 200 萬像數, 但用作 catalogue 相, 遲 d 仲要放上 website, etc ．　．　．　 同事又幫口講, 咁影后就左諗右諗, 話要買都要等 老闆蘿蔔 批咗先, 但都加多句 -  "只買一部 LCD Mon 咋, 其他人唔買 ga" , 廢話, 個個知佢d野啦!  佢自己無野做又要買部新 notebook, 同事們不停工作仍用 '恐龍 monitor',  我地個個睇到眼都突, 坐又坐到腰酸背痛 + 手痛, 真係無陰公 呀!  

 

 

 

下午影后打電話問 電腦人有關買 LCD Mon 事件, 點知電腦人太好心, 同佢解釋就算買咗部新 monitor 都可能無變過等等, 可能係其他問題 . . . . .     但可以先換同事個 LCD Mon , 睇吓係咪真係個 mon 嘅問題, 咁無辦法, 下午要問同事借個 monitor 睇睇 ~     影后 3 pm 離開公司後, 約 5 pm 都不忘打電話返公司問 試咗個  LCD Mon  未, 呢 d咁嘅事佢實記得, 其他公事就唔記得 (或扮唔知) , 今日仲因部舊相機像數問題, '賴' 同事以前好買這部相機, 但其實係佢同鬼婆要求嘅, 因為佢地以前怕其他人 '抄' 公司 d 手袋, 所以唔想要部靚機, 好彩同事有力撐, 講番個事實出嚟, 如果唔係, 又比影后 屈!!       佢都唔係地球人, 快d返去火星算吧啦 !    但依家最驚係影后 '反口', 如果佢知道可以用同事部 LCD Mon, 咁可能會叫我地 交換, 我唔想做衰人呀 ~

 

 

 

今日放工後去咗睇醫生, 都係為咗攞番張 物理治療 嘅 referral letter 用作 claim  自己 o個份保險, 因為每個月都 claim 唔足, 做埋都唔夠睇醫生!    醫生仲叫我要做多 d 拉根運動, etc . . . 都係 o個  '三幅被' ~      如有需要, 要照 x-ray, 要比止痛膏我搽, 但我覺得都係無用, 可能 d 筋都勞損哂 ~     捱埋呢兩星期要用 '工作時間' 去做吓物理治療先得!   我唔會比影后 '合' 嘅!    明天又要準備迎戰影后!!!

 

 

 .