close
婚後的兄弟姊妹聚餐
時間: 7:30 pm
地點: 荃灣聯邦酒樓
菜單: 之前結婚時的酒席菜單
早前結婚擺完酒後, 酒樓送咗 3 圍酒席比我地, 就相約一班朋友今晚去食番餐 ! 其實仲有D 人臨時無來或病咗, 但都有差不多 2 圍枱, 可能今晚係星期一啦, 得 6-7 圍枱人客, 聯邦仲安排咗有個 '囍' 字嘅位置比我地坐, 等我可以同亞 Nat 影番幅結婚相, 仲好好招呼 添
~
~原本我坐 o個圍有老公和佢 D 朋友, 後來我o個圍太多女仔, 老公 D 朋友開始轉枱坐, 之後佢都坐去隔離枱招呼朋友, 變咗 '女家一圍 + 男家一圍', 好似再擺過酒咁 ~ 食到一半時, 突然個 waiter 攞個 Cova 嘅 cheese cake 出來, 原來係 Michelle 和 Angel 送比我, 預祝我生日, 仲有一個 Cova 嘅 Tiramisu 和 一盤靚花添! 真係好開心, thank you so much! 食完D主菜和影完相就切蛋糕, 個Cake 好美味呀! 今晚食剩好多食物, 雞、 飯、麵和 美點雙輝都要攞走.
離開酒樓後, 老公同我講, 我地成枱女仔, 好似有幾個虛咁, 好嘈! 所以 D 男仔都轉枱, 可能怕咗我地, 哈哈 ~ 今晚真係好開心, 成晚笑到收唔到聲! 返到屋企喉嚨仲有少少沙添 ~
P.S. 返屋企途中先發覺原來我地無埋單架, 就算酒席免費都要 比 Service charge 嘛 ! 但我地食飽就 '拍拍屁股' 走人~ 可能留番食下一圍先再計啦 ~
全站熱搜
留言列表
