close

 

 

 

早前應承了諾諾陪佢入戲院睇"古魯家族", 佢每次係街經過見到D廣告牌, 都猛話"古魯家族呀!  我地遲D去睇!"

之前又經過商場, 佢一見到張poster 已經話"要同古魯家族影相", 好搞笑



到了3 月31 日!   第一次帶諾諾入戲院睇, 事前都知呢套戲有D暴力或打嘅畫面, 但呢D場面少不了, 好多戲或卡通片都會有, 所以一路睇, 一路都有同諾諾解釋.

諾諾好開心, 佢好似好期待"戲院"係點樣架呢?
 



諾諾之前已經同佢講過入戲院睇戲, 會熄哂d燈, 個營光幕好大, 大過屋企部電視機好多好多, 可能會好大聲, 仲有, 睇戲時要好靜, 個個都唔可以講野, 佢話"知"~

d職員話佢細個, 唔使買飛, 由家長抱住坐.
入到戲院坐定後, 仲有少少燈光, 諾諾四周圍望, 慢慢地, d燈光開始熄哂.  諾諾開始緊張 (突然覺得佢好可愛 )   之後開始有畫面, d音響仲好大聲!

我抱住佢, 同佢講就嚟開始啦, 佢好開心咁笑, 我問佢咁黑驚唔驚?  
佢話"有少少驚驚", 我攬實佢, 感覺到佢有d緊張, 但聽到附近其他小朋友嘅笑聲時, 佢好好奇, 周圍望, 聽到其他小朋友笑, 佢又笑, 之後開始慢慢"入戲", 當然, 有d情節佢應該唔明白, 仲有好多打嘅場面, 要慢慢同佢講佢地"唔啱"或解釋呢d係咩動物等等~

無驚無險, 中途只去了一次廁所, 可以睇哂成套戲, 之後仲話下次睇另一套!
衣家每逢經過有戲院嘅地方或係電視廣告見到某d戲佢鐘意既, 佢都話"我想去睇呢套戲"!  但暫時都無戲啱佢睇, 可能等暑假吧~



4 月1 日 兒童節, 中午去了食lunch 和行街, 經過商場有個充氣嘉年華, 好多小朋友啊!  又排隊玩遊戲, Babi 見諾諾咁鐘意d"動物", 買咗個氫氣動物比佢, 諾諾當佢竉物咁"拖", 哈哈~




.






"拖"住隻象行街, 初時好似好好玩, 但"拖"耐d, 其實都幾辛苦, 太多人了...







.
.
 
 
 


.

諾諾"拖"住一隻, Babi 拖住一個, 仲要推住架車仔...

.



食完野經過另一個商場, 又有復活節佈置, 仲有中國國寶坐鎮!

.


.


諾諾話想同熊貓影相


.

呢d咁colorful 嘅復活蛋好吸引諾諾~




.

仲想要影埋隻復活蛋~








諾諾: "點解有隻熊貓既?!"

.


出到戶外, 見到周圍都有"熊貓", 仲話要"影哂佢地" , 之後就跑來跑去, 要逐隻逐隻熊貓搵出嚟...
.


.




我忍不住要佢坐車仔, 太多人了, 廢事佢周圍跑撞親人, 加上佢開始眼瞓了...
.




行到攰了, 晚上去了食泰國菜, 三個人, 食咗好多野, 又撈蒙又湯蒙, 諾諾攰到無胃口食野, 我地食到好飽啊!  
.


.



食飽之後再行多一陣先返屋企, 一日嘅family day 又過去了, Babi 第二天要返工去~







arrow
arrow
    文章標籤
    睇戲 The Croods 古魯家族 戲院 兒童節 充氣嘉年華 熊貓 復活節
    全站熱搜

    Happy Joan 發表在 痞客邦 留言(0) 人氣()

    E-mail轉寄