Happy Joan的部落格

上午去完街, 晚上約了姨姨食飯~

食完飯我去了一田特賣場買野, 姨姨帶亞仔四周行等我.

點知, 到我買完野, 姨姨打電話比我叫我去 Haagen dazs, 佢和諾諾係入面坐低等我...

我一入到去, 見到諾諾係度慢慢"筆"緊雪糕食, 仲好小心咁, 唔會滴到周圍係. 

諾諾有得食, 連架車車都可以完全唔要~ 

叫佢比啖我食都望到實, 驚我食哂佢d雪糕...

食好恐怖呀!  成咀都係, 仲想將個紙碟攞起嚟, 飲埋溶咗嘅雪糕 ...

真係一滴不漏, 諾諾好有衣食架 !   Babi 返工真係辛苦, 要搵多d錢先夠佢食   

 食飽玩飽就返屋企攪攪豬, 第二日又返學了~

今次轉了另一間pre-schooler, 多咗d同學仔.

第一次返呢間學校, 諾諾完全唔陌生, 見到有小朋友和課室d玩具, 鞋都唔想除就跑入課室...  連拜拜都唔記得講, 要老師提佢, 佢先擰轉頭同我講拜拜, 之後就標咗入課室...

見佢地係另一個課室行出嚟, 排住隊入另一個課室, 覺得佢地好可愛    

諾諾係插班生, 開始上堂時都有d迷茫~ 

warm up 咗一陣好似開始跟到~

慢慢咁開始明白老師教嘅野.  

落堂了!   個個小朋友排住隊衝向自己嘅家人, 好開心   

我諗諾諾都好肚餓, 即刻同佢去食lunch.  佢話好想食蕃茄湯通粉和banana pancake, 見佢咁乖, 獎佢可以食pancake, 佢見到好開心    

連食飯都古靈精怪, 我即時好後悔叫咗個pancake 比佢...

食完個通粉, 再食埋件pancake, 佢真係飽哂, 返屋企沖埋個靚涼就瞓到豬隻咁