仲有幾日就中秋, 希望個個人都有月餅食, 一家人開開心心咁造節!
就係因為臨造中秋, Babi 差不多成個星期都要返國內招呼班強國人大客, 晚晚都唔使返嚟食飯~
即使佢衣家少咗飲酒, 見佢晚晚咁夜返都慘, 晚晚返到屋企好似做完咕喱咁, 第二朝又要準時返工, 攰到哩......
搵食真係越來越難, 真係要慨嘆 "Hong Kong is dying" ....
唔返國內搵機會真係無得做, 但要搵機會就要付出佢嘅健康........ 
為了家庭, 真係做又dying, 唔做又dying... 希望丞燕的健康產品可以令佢補充番d營養~
今日出咗去送產品, 途經 Bondi cafe, 好幾次經過已經想試, 特別係佢嘅咖啡, 次次都唔夠時間, 今次book 定位, 終於可以試吓~
頭盤係 . . . 亞仔, 哈哈~ 
亞仔有呢間車仔, 咩都唔使食喇~
呢度d Set lunch 無飯或麵的, 通常配以沙律或薯蓉, 我另外叫咗d意粉比亞仔食. 但佢鐘意食薯蓉多過d意粉~
雖然間餐廳d Set 都唔平, 但份量好夠! 好似我點嘅"厚切豬肉眼扒"為例, 原來有兩塊扒, 配少少薯蓉, 又麵包又沙律又餐湯 (雖然個湯麻麻地), 其實真係好飽肚.
但我最期待嘅, 係杯咖啡~ 由於我過了繁忙時間先坐低, d 侍應好好, 見我要同亞仔平排坐, 可便餵佢, 侍應們轉咗張大枱比我, 係六人枱, 仲問我使唔使比多d麵包我地, 好nice ~ 食完飯我揀咗杯flat white, 餐牌寫跟餐 +$30, 我見唔係周圍有得飲, 就豪一次吧
差不多2:30 pm, 客人逐台逐台離開 侍應們例牌講"多謝, 拜拜, thank you" 等等~ 亞仔又跟住佢地講, 個個係度笑佢, 我都覺得好搞笑~
差不多上咖啡時, cafe 老闆同我地傾計, 佢問亞仔係咪想幫手welcome 和 同客人say goodbye, 佢話請亞仔好唔好??
亞仔都唔明佢講咩, 哈哈~ 老闆係澳洲返嚟,佢以為亞仔讀緊幼稚園, 問佢讀咩班,
亞仔答佢: "未返學."
佢好surprised, 可能亞仔個樣大個吧~
同佢傾起小朋友返學問題, 佢話好驚香港嘅教育, 咩都要迫d小朋友早學, 佢話佢個女係澳洲係4歲先返學, 佢都覺得早, 我話香港未夠1歲已返playgroup, 夠2歲就返N班, 走3歲就返幼稚園. 起碼一年前要報定.
佢話: "Oh my god! 真係too early for them!"
哈哈, 無辦法啦, 香港就係咁.
同佢傾咗幾句, 我杯flat white 就到喇. 真係幾好飲喎~
埋單時發現杯flat white 係送比我飲, good!
轉季了, 途經亞芝+亞B, 忍唔住買了幾件衫褲比亞仔~
亞仔D衫又唔啱著喇, 特別係D褲一又吊腳又頂褲'浪' .....
有時會比亞仔用吓筷子食野, 今晚食麵用筷子, 又好似似模似樣咁 
留言列表
