早前細妹帶咗我去一個賣耐熱的夕膠用具開倉, D煲墊每個只係賣HK$15, 就買咗兩個, 另外見到有個Hello kitty 嘅隔熱器好得意, 都買咗個 (雖然我唔鐘意hello kitty, 但見幾得意, 忍唔住買了).
早幾日好好天, 連續兩日同亞仔去游水, 佢好開心哩!
仲唔識驚, 係都要去大人池度玩, 我見佢長期浸住個水泡, 就比佢係大人池游~ 見佢係度浮吓浮吓咁, 幾梳干呀!
連續兩日都去游水, 開心到佢哩, 而我哩 --- 就有D周身淵淵地......
話咗要走啦, 一上水就逐張櫈坐, 坐完都唔肯走, 又要格硬"的"佢走~
估唔到呢件由半歲時買嘅泳衣, 衣家仲啱著......
不過, 天氣又熱, 玩一陣要走喇, 真係驚佢會曬到中暑...
亞仔中午時出咗街, 又係公園玩咗一輪, 玩到好攰, 好快又要瞓攪, 因為瞓咗攪, 中午時段又無得同Babi 去游水了....
昨晚同兩位好友去咗食飯, 又係幾個月無見, 傾計時好似有講唔完嘅話題, 但開心嘅時間真係過得好快, 由於我要趕返屋企湊仔瞓攪, 9:45 pm 前要搭車離開了... 唯有下次再約過, 或者等亞仔大少少, 可能定d, 帶埋佢出去一齊食飯, 可以慢慢傾~
今日去咗e.excel 攞產品, 順便同d friends 傾吓計, 但我就帶住亞仔, 無時間一齊開會了~
之後去咗同亞仔食tea, 教佢講 "afternoon tea" 下午茶, 佢講咗好多次, 但次次都講唔正, 講咗 "ar nu nu t", 但佢已經好努力, 已經好叻啦!
亞仔一見到件cake, 雙眼又發光, 猛係度坐埋d件蛋糕, 仲想攞隻叉自己"筆"嚟食!
呢件啱佢食, 三文魚蛋tart~
食飽飽, 坐一陣就走了~
臨返屋企前去咗sogo 買d 零食, 見有番薯, 買一包煮比亞仔食 
開心嘅時間過得特別快, 每次去街都要趕住返屋企咁 (有小朋友就係咁...) Shopping 嘅時間少咗, 好多時shop 嘅, 都係亞仔嘅野, 唔買自己又忍唔住手喎, 真係唔知點解成日買野比佢既?? (其實佢咩都有, 但成日都忍唔住買...), 可能每個媽咪都係咁, 如果係女仔, 可能仲大鑊, 搵埋都唔夠買野比佢地 
留言列表
