Happy Joan的部落格

早兩星期帶埋亞仔去沙田飲, 等車期間比亞仔玩韆鞦, 佢見隔離嗰兩個姐姐'fing' 得咁高, 又想學人, 猛望住人地笑, 人地以為佢做咩添...

只係比佢玩一陣, 亞仔開心到唔捨得走 !

 

 

到達馬會會所, 有個哥哥負責摟D氣球比場內賓客玩, 尤其是小朋友

 

 

  

雖然場內有好多小朋友, 但全部同亞仔年紀差好遠, 唔啱玩....

 

    

 

返到屋企已經夜晚12 點, 亞仔係車內瞓咗半個鐘頭, 返到屋企一除鞋就醒咗, 仲要好精神! 好似叉足電咁! 氹咗成40分鐘先瞓得著, 咩BB 嚟架?!


已經晚上12:XX, 精神到佢哩...

第二朝瞓醒同爸爸去街街~

叫親亞仔影相時, 唔知點解佢 一定會擺呢個pose?? 但佢又唔 cute...

下午tea 一tea, 有得食就最開心

返到屋企要扮乖坐定定畫吓畫~

第二日去了婆婆度, 有件正野等緊我食佢  

連續幾日同亞仔一齊出街, 又係時候補給一吓~

  昨日我係廚房整緊餸, 突然亞仔走埋嚟, 指住出面話 '火燭'  '火燭', 我知佢睇緊兒童台,

我答佢: "係呀, 有火係咪呢?!"

亞仔繼續話: " 火火呀, '火燭'!

我見佢咁認真咁講, 行出廳, 原來電視做緊'灰太狼', 灰太狼想煮咗d羊來食, 所有"有火"...

真係比佢嚇親, 亞仔呢個星期開始, 仲開始 say no!

如叫佢執玩具佢唔執, 我話將d玩具比哂小朋友, 佢會話: "no, 唔比小朋友!" 

問佢有無'咮咮', 第一時間話:"無"!

但轉頭好急咁話:  "咮咮嚟!"   其實已經急到賴...

亞仔開始識'拒絕', 好快叫佢做很多事情也要同佢講數了~