close
上星期同亞仔行咗一陣街, 係間精品鋪見到有本Thomas 嘅書, 買來比亞仔學吓生字~ 
我推住亞仔行街, 行吓行吓, 買吓買吓, 唔覺唔覺又買咗幾件春裝~
好鐘意 L'oreal呢支新嘅幼身眼線筆, 好易晝, 連我呢d唔識化妝嘅人都晝到! 之後買咗支CC Cream, 之前已經想試, 唔係間間watsons 都有得買, 咁啱呢間有 ~
出咗街兩個鐘, 用咗差不多$1200! 真係大出血, 想唔慳d都唔得囉....
早兩星期michelle 姐姐提早送比亞仔嘅Thomas 車車, 佢見到好開心! 猛叫人幫佢"開", 我唔會幫佢開住, 有排抹... 等我得閒d先幫佢抹乾淨比佢玩~
亞仔周圍睇吓邊度可以比佢"開"到~
續早前爸爸買咗架 'Oliver' 比亞仔 (會發聲...), 爸爸星期日又買多咗架"Spencer" 比亞仔, 佢見到開心到哩~ 猛係度講 "pencer" 和 "pizza", 比佢笑屎 
亞仔真係好為食, 見到我地食咩佢都要食... 見我地食緊木糠布甸, 點都要食個夠先肯停~
復活節啦, 亞仔見到miffy 咁得意, 走埋佢猛叫"兔仔", 仲學佢擺pose 添!
今日lunch 後同亞仔去行街, 買咗undee 比佢, 佢要開始著啦, 仲有副黑超送添!
最緊要係買呢樣比亞仔, 當係爸爸送比亞仔嘅生日禮物!
我揀咗幾款Thomas and friends 嘅系列亞仔揀, 佢揀咗diesel 呢款, 仲自己拎返屋企, 一路行路同人講"diesel", d人唔知佢講咩, 以為佢講"知道", 哈哈~
亞仔一瞓醒見到架diesel 車車模型係度, 好開心, 我同佢玩咗一陣, 佢自己不停係度"sir" 架車車, 唔肯停. 其實只得呢個動作... anyway, 亞仔就係貪新鮮~ 我同佢講係爸爸送比佢嘅兩歲生日禮物, 佢猛話"爸爸買" "爸爸買" ~
哈哈, 佢未識咩叫生日禮物, 爭係識叫 "爸爸買" ~
近來亞仔講好多野, 日日把口唔停. 又唔聽人講, 開始有自己嘅主意.
希望佢健康快樂, 取緊要聽話就好喇~
文章標籤
全站熱搜
留言列表
