Happy Joan的部落格

今朝我地食完早餐, 散咗一陣步就返屋企.  我就清洗亞仔D野和預備煲粥, PA PA 就同亞仔玩, 兩個玩到好high!   好似"真情"首主題曲咁 -->  笑聲 笑聲滿載溫馨 快樂 發心內 ~  PA PA 一星期先得一日假期, 難得係屋企, 真係要好好珍惜.

出發啦!!!

衰豬玩到唔肯上水!

游完水, 要返屋企啦!

亞仔食完午餐後, 玩一陣就要佢罰攪喇, 因為下午要去游水啊~   上年當亞仔半歲時, PA PA 無機會同亞仔"夏水禮", 今次有喇~   亞仔罰咗兩個幾鐘, 真係叉足電啦!  

亞仔著番上年件泳衣, 佢覺得好新奇, 我就覺得佢仲著得落件泳衣, 真係唔知應唔應該高興喇....  

起初落水時, 亞仔好驚, 喊咗幾聲 (但佢好大聲, 喊到好似被人打咁!)   係都要我地抱住佢, 又唔鐘意個水泡....  PA PA 唯有慢慢'dum' 佢, 之後, 亞仔開始唔驚, 仲猛咁潑水, 其間有幾個小朋友都潑水, 佢越潑越high, 差d連部相機都整濕呀!

由於發生咗件小插曲, 到亞仔玩得好開心時影唔到相, 唯有下次再同佢游過啦~

返到屋企, 同亞仔沖完涼, 食咗少少野, 'tum' 極都唔肯罰!   電力咁持久既??  成7:45 pm 喇, 唔使佢罰, 比佢玩多一陣食飯, 佢食完飯仲要玩多一個鐘先肯罰!   食咗咩呢??  我地真係少d精力都唔得呀!

今日既family day 好開心, 期待下個星期日再玩過