close
今日天氣真的很熱呀, 通常亞仔每日都要沖兩次涼, 佢就爽啦, 我就每次同佢沖完涼都成身濕哂....
今日出去荔枝角交收貨, 好驚會落雨, 叫奶奶睇亞仔幾個鐘, 我可以出去做 吓自己野. 個客都好準時, 仲好nice添! 順便係荔枝角食埋野, 今日係"GREEN KITCHEN" 食LUNCH, 間餐廳名同埋個格局好似幾意大利feel咁, 就入去試吓. 裡面數埋都唔夠20個位, d 野上得好快, o個兩位waitresses 收野都收得好快, 好似好趕時間咁... 其實我入座都已經2:15 pm, 都過咗peak hour 啦~ D Rossoto 都好'求其', 上枱時成'pat' 野咁, 好似真係填飽你個肚就算喇. 我加錢要杯cuppaccino, 但只係麻麻地,兩位waitresses 成日係我地面前行來行去, 好想搵野做咁, 想嘆吓杯drink 都無興趣, 兩位埋單HK$105, 連埋個小甜品, 不平也不算貴吧, 不過, 個小甜品好味過個正餐~
之後去咗長沙灣的幾個廣場行街, 但無收穫..... 想買o個d只做批發, 散貨o個D又睇唔啱, 去銀行都排咗好耐隊, 返到屋企都4:00 PM 喇, 亞仔都罰醒, 仲好攪笑~
全站熱搜
留言列表
