Happy Joan的部落格

三天的假期過去，今天公司一定會繁忙，再加上鬼佬老闆 蘿蔔 今日起在 office, 這個多星期會較難捱  ~  希望快些到五月中啦!

 

好快就到 lunch time, 我同同事出去食飯, 突然 亞姐打電話比同事 (1:40 pm) 叫佢幫 蘿蔔 買芒果, 仲要加多句, 要靚先好買, 咁係咪唔靚就可以唔買呢 ?    但如果話唔靚而無買, 佢又一定以為你專登唔幫佢買;  但如果買 D唔太靚, 佢又會比說話你聽, 係尖沙咀區買生果又要靚, 又要平, 真難服侍!   另外兩個同事都唔例外, 一個幫佢買文具, , 又要求多多, 另一個又要幫鬼婆買盒裝紙巾, 有蘆薈成份o果隻, 但用後又話隻味好奇怪, 咁又唔自己買?  亞姐明知佢地嘅要求, 又唔肯買定先, 又係煩到 D 同事們, 我地係做文職, 但係呢間公司我地全部都係打雜、 亞四!  明天我又要幫蘿蔔 去中環取回佣, 呢份量都唔易賺!  早兩個星期我地先做完 '裝修工人', 亞姐同鬼婆上大陸當日, 我地四個一齊係公司 ' 貼玻璃紙', 要 三個人 '擒上' 窗台, 再慢慢將它掃平, 講真, 呢D苦力, 我地係自己屋企都唔會做啦!   佢一個月前已經同我和另一個同事講, 可能 5 月5 日 (紅日) 要返工, 直至今日先通知我地唔使返, 成日 hold 住我地 D 假期, 為份工, 真係咩氣都要受!

 

今日 7 點收工, 拖著疲倦嘅身軀回家, 好彩入到屋先落雨