Happy Joan的部落格

 

 

今日有人以 $450 平讓 2 張 $400 位嘅鄭中基演唱會飛,  真 '旬'!  原本同亞 T 去睇, 點知佢又病得好嚴重, 仲要返工, 做到 4 pm 先走得,  之後就搵咗 Michelle 同我一齊睇.  入到場後, 見到 Jacky 仔一家四口坐係我地隔離, 便同 Jacky 仔影相, 佢好似比以前肥咗少少, 但仍然係好得意  !  我地影完相之後, 後面班師奶又爭住要影, 又有 pair 情侶由老遠嘅座位走過嚟要同佢影相, 搞到 Jacky 仔好忙!  我地係坐第9行, 對正個台, 但坐得前都有個壊處, 就係好嘈, 太大聲.    

 

頭幾行應該係鄭中基嘅親戚, 個個年紀都唔細, 同佢有少少似樣.   坐坐吓, 突然隔離行好多人望, 原來 Twins, Mani 同佢男友都嚟咗睇演唱會, 但亞 Sa 戴住 Cap 帽, 好低調, Mani 同佢男友就座近出口位, 唔比人打擾到 Twins.   仲有, 原來 Stehpy 都在場, 座係第1 行.   個演唱會都幾好睇, 鄭中基講野又好好笑, 有鄭東漢彈結他伴奏, 有兩個健 美 小 姐 展 示 一 身 健 碩 肌 肉 及 擺 甫 士 ， 還 抬 起 鄭 中 基 在 兩 人 的 膊 頭 上唱歌, 搞到鄭中 基唱歌時都好緊張會跌落嚟.   但原來仲有驚喜, 就係神秘嘉賓 ~~~ 係張學友!  真係估唔到呀!   睇到中途鄭中基講佢自己 D 新聞時, 講到 亞 Sa  同楊千嬅, 個鏡頭即時影住 亞 Sa  , D 記者即時衝上前狂影佢地, 佢地無得避, 唯有坐定定任影.  佢地係 encore 之前離開, 走的時候好似 '一字排' 咁走, 有人不斷影相, 有少少似 '掃黃行動'咁,  好好笑!   睇到 11:20 pm散場, 便同 Michelle 一齊搭車返屋企.  返到屋企都已經 12:30 am, 好累呀!