close
由於這幾天公司部電腦壞了 (中毒), 電腦人又未到, 我要用一部多餘了的電腦做工作, 這個位真係難頂, 我身體要坐到 S 形先打到字 ( pat pat 係左面, 手和面向右面, 因為 keyboard 和 monitor 在右面) , 這幾日既坐姿, 令我隻右手又開始麻痺, 好彩捱埋呢個星期可以放吓假, 等隻手抖吓都好!
今日又聽到影后講電話, 決定要炒姐姐, 佢既要求到真係奇高 :-
1. 不可以醜樣, 因為佢個女唔鍾意人醜樣; 但又唔可以太靚 (可能驚佢老公對姐姐 '起痰' 
有危機呀),
有危機呀),2. 不可以太醒目, 佢話而家個姐姐醒咗好多, 佢又唔高興; 但又唔可太蠢, 如果蠢又好難教喎,
3. 一定要識煮中國菜, 影后話如果要請佢, 一定要先要佢煮餐中國菜比佢試下先, 合格先會請,
4. 要大學畢業, 要英文好, 咁佢個女就可以用英文同佢溝通, 但最好又識中文, 咁就更加易溝通,
5. 唔可以講電話 - 佢都知姐姐唔敢係佢面前講電話, 但如果知佢講電話, 佢仍唔高興,
6. 要 '就' 得佢個女, 佢話呢排佢個女成日同姐姐嘈, 佢要請個能遷就佢個女 , 其實佢個女野蠻就係人都知, 係影后太縱佢個女, 等等. . .
其實仲有好多呵刻條件, 幾刻薄都有, 都唔知幾時先請到，不過比佢請到 o個個都 '陰公'. 真係 '鄧' 未來姐姐可憐, god bless her ~
日日做足 11 個鐘有多, 今日未夠 6: 30 pm 就趕返屋企休息一下 ~
全站熱搜
留言列表
