Happy Joan的部落格

 

不知是否下雨天的關係，今天很累啊 !  今早在車上也可睡著 ~  還有就是想起要看到影后, 就 唉 ~ 

 

 

今日 影后 和鬼婆未夠 12 pm 就出去食 lunch, 到了差不多 12 pm, 同事就提議 叫外賣, 咁我都唔知食咩好 ==  『就話好, 落街食又要排隊 和 同人迫, 食物都差不多啫 ~ 』  正當我想繼續說話嘅時候  (其實我想講 : 『影后同鬼婆又唔係度, 食都食得開心 D 啦』), 突然有把聲音,  話 : 『你地叫外賣?  好呀, 出面落緊雨呀』 ~     嘩, 真係比佢嚇一嚇, 原來係影后！佢行路無聲 o架,  佢已經落咗街差不多 5 分鐘, 就算樓下真係落雨,  2 分鐘都可以來回成條亞士厘道啦, 我地估佢又想偷聽我地講野,   真陰險！！     雖然佢個樣幾 '清秀' 和 看似  '好善良', '好好人', 但其實佢係非常之咁惡毒, 真係 '人不可以貌相'!!  我們有間廠的廠長, 是由打工仔做到廠長, 打工仔時期已認識影后, 影后那時己是 '經理'  (應該話佢一出道已係'經理' ) ,  佢地己相識超過 10 年, 所以這個廠長很尊重影后, 還常常聽取影后的 '寶貴意見', 就因為試過影后的 '寶貴意見' , 這個廠長要炒人 、換人來 '遷就' 我地公司 (影后), 現在這間廠的 那個  '職員仔' 時常比影后暗串, 佢都唔敢打電話來找影后, 搞到這個 '職員仔' 次次都搵我, 要我幫佢傳話, 煩死!     不過, 我都明白點解嘅, 都唔可以怪哂佢 ~ 

 

 

我剛入來這間公司時, 都覺得影后好 nice, 和 '好似好有學識', 約兩個星期後我先知道原來我係錯嘅, 呢 D 都係佢嘅演技.    就連鬼婆都比佢感染到, 所以佢兩個真係 '夾到痺', 有時佢兩個都會 '心靈相通', 所以如果得我地 3 個人出去開會, 我都會係佢地面前 '扮自閉', 寧願唔講野. 

 

 

現在只想快 D 到 12 月中, 咁鬼婆就會走, 影后又會放一個星期大假, 之後每日只返半日, 見佢少 D, 日子易過 D, 人到開心 D!

 

 

.