close
今早知道 二世組寄出咗隻 做 catalogue 嘅 disc, 仲要分開 2 箱寄, 用 2 個唔同嘅 courier, 唉~ 點解唔一齊寄呢, 真係 stupid, 大家都係今日收到嘛, 仲有, 如果只收到 一包都無用, D 美國人真係 @z#&%@XX@! 但佢係老闆個仔, 連影后都無辦法 ~ 唯有執手尾 ~ 今日仲要利用自己 lunch hours 幫手 check 佢份 print out, 唔知點解佢做極都錯! SHIT! 
下午時份, 我的保險經紀打電話來, 講之前轉咗搵佢 claim 物理治療嘅事, 聽佢講頭兩句, 都知佢無好消息 . . . 佢講咗一堆廢話, 之後話我份保單寫明是 "因工作而要做物理治療, 而不是因為 意外等等藉口 . . . " 我問佢講咗咁耐, 係咪即是無得 claim, 佢又吞吞吐吐, 之後話要問公司, 遲 d 覆我. 之前係佢知道我個 case, 主動叫我去 claim 佢份保險, 佢話只要比 份 claim form (只需簽名, 其他佢會填) 和 比 receipt 佢, 就可以 claim 足; 兩星期後, 佢又話要搵醫生填 claim form, 咁早前我又走去搵醫生填, 不但要比錢, 仲要等咗 1 個鐘頭 ~
佢依家知道可能無得 claim, 就掉轉頭講, 話醫生唔係填 "意外", 其實我之前已經問清楚佢先寄 D receipt 比佢, 拖咗一個多月, 今日先同我講 "可能" 無得 claim, 聽到佢想 推卸, 我都唔同佢客氣，可能佢聽到我 d 口吻都唔係 好 'like' , 佢之後話明日覆我, 但我都估到應該無得 claim, 一早都知經紀無個好人, 但估唔到呢個經紀同我屋企人咁熟都無咁, 佢仲想賴個秘書, 真係 cheap! 最慘係浪費時間, 仲唔知可唔可以 claim 返公司間保險呀 ! 真係討厭 D 保險經紀! 明天睇吓佢點覆 !! 
.
全站熱搜
留言列表
