close
輕輕鬆鬆等放工 ~
這兩個星期公司比較靜, 可能係今年遲咗過年 . 我仲記得上年新年前做到無停手, 人手唔夠和無得準時收工之餘, 影后仲提早走, 因為佢有個 "家庭" wor ~ 真係無野好講! 我地一路做一路詛咒佢! 好彩今年遲咗過年, 無太多工作之餘, 又可以 6 pm 前收工, So good !
Lunch time 時 影后叫外賣, 我地就出哂去食飯, 飯後影后己走, 真開心 ! 可以輕輕鬆鬆等放工 ~ 
上星期五先恐怖, 公司搬到這個 office 超過 年半才 第一次洗地毯, 影后仲問我地係咪洗完會好乾淨? 佢話驚洗完仲會有 d '積' , 因為管理員提過 o個間清潔公司不是太好 wor, 但佢自己 問清楚後先 落booking 叫人來洗, 聽人講兩句後又要問我地意見, 又想叫我地包生仔 !? 之後佢見我地唔多理佢, 佢就打電話去清潔公司 , 問人地係咪可以洗到 八成乾淨等等問題, 先來個 下馬威! 真係怕咗佢, 好彩最後佢自己留低 '監察' 清潔公司洗地毯, 但聽聞影后都要求多多 ~ 洗後第二日仲問我地覺得乾唔乾淨, 如果唔乾淨就唔比錢, 嘩! 又想卸膀! 其實都有 八成乾淨, 唔通洗一次就好似新咁咩, 咁 D 人唔使買/換地毯啦 , 有眼睇都知啦, 仲要問, 都唔知佢真傻定假傻!!!
未夠 6 pm, 全部同事撤退, 之後去咗 中環 shopping 
, 又破財啦 ~ 之後趕去灣仔 Red box 唱 K, 間 Red box 真係非常唔掂 ! 音響唔太好, 唱唱吓歌會突然無畫面 (但有聲 !), buffet 無咩選擇, 又難食, 過咗一個鐘都可以唔增添食物和無 換款 , 我都未試過 唱唔夠兩首歌就飲完一柸凍寧蜜, D 食物太差, 我以後都唔去 加州紅啦 ! 唱完後返到屋企差不多 12:30 am, 很累呀 ~ 洗澡後又罰唔著, 好精神, 之後碌咗好耐先罰著, 好累呀 ~ 
, 又破財啦 ~ 之後趕去灣仔 Red box 唱 K, 間 Red box 真係非常唔掂 ! 音響唔太好, 唱唱吓歌會突然無畫面 (但有聲 !), buffet 無咩選擇, 又難食, 過咗一個鐘都可以唔增添食物和無 換款 , 我都未試過 唱唔夠兩首歌就飲完一柸凍寧蜜, D 食物太差, 我以後都唔去 加州紅啦 ! 唱完後返到屋企差不多 12:30 am, 很累呀 ~ 洗澡後又罰唔著, 好精神, 之後碌咗好耐先罰著, 好累呀 ~ .
全站熱搜
留言列表
