Happy Joan的部落格

 

 

 

今早起床發覺全身也 '緊哂', 也覺得奇怪~  昨晚明明 12 前睡嘛 ~     原來係今天將會落雨, 現在我的筋骨可以好像老人家咁感應到天氣的變化... 每逢打風落雨, 便會周身骨痛,  在這間公司工作, 就好似 家燕姐買 o個個廣告咁 -->  換來一身酸痛 ~

 

今天原本與同事們出街食飯, 但 影后 11 am 就出街, 我們便決定留在公司食, 可以輕鬆一下, 之後還有時間去海港城買些東西, 原本以為影后不回公司, 她竟然 3:30 pm 回來, 交底一些事後, 4:30 pm 便離開, 我們想她回公司也是為了私事, 取回自己的物件便離開 ~   還問了一些無聊問題, 她找到人幫忙改相啦, 原來是這裡以前的舊同事的老公, 他可以趁放假或放工時做 part-time, 他每改一張相, 影后也叫我 'comment and advise' , 之後才可給鬼婆, 唉, 其實她比我更清楚知道應該用什麼標準來 comment 這張相吧, 又多件事她不想理 ~

 

今天比想像中遲了收工      原本想去游水, 但放工才落大雨, 中午時明明陽光普照嘛, 真激氣!!   現在滿街也是人, 雙腳又濕透, 又趕不到邨巴,  就算去室內泳池也不想去 ~  既然不能游水, 突然想到不如去做 facial 啦 !   又可以給人按摩下一肩膀, 但輕鬆還輕鬆, 今次係我最後一次 facial, 班 sales 一定唔會放過我~   當我到達美容院, 即時比 3 個 美容師圍攻,  到我 '罰落床' 時也有個 sales 姐姐不停  sell 我, 又話比個 special offer 我 等等, 好鬼煩!!    佢地驚死我唔續, 不知幾好手勢, 比平時好好多, 但點都好, 佢地 '死 lur' 都無, 我最終都無 '落搭', 臨走時佢地仲不肯罷休, 說如果有新 promotion 就會打電話比我, 我一定話好啦, 遲 D 再算吧 !   我對這間美容院也無好感!     返到家已差不多 10 pm 了, 只睇了少少 '溏心風暴' 咋 ~

.