Happy Joan的部落格

 

放完 3 日假, 今日一返到公司, 又係不幸嘅開始 ~   還未開電腦, 已被個 folder界傷  -  應該話 隻無名指插咗落個 folder 邊度, 痛死我 la ~~~    之後電腦又有問題, 有時又上唔到網, 收 email 又慢, 但又好多 email 要跟, 唉, 過咗成 20 分鐘先 print 哂 D email出來~   睇睇吓影后又煩住哂, 佢又上唔到網, 但當時我地又可以上到喎, 咁就唔理佢.   過咗 1 個鐘, 大家都發現上唔到網,  影后又問長問短,  shipping 同事便打電話去 ISP 問個究竟.   問咗成個鐘頭, 覆咗幾次都唔知有咩問題, ISP 仲話無事, 但我地不繼問點解, 佢地就派人來 check吓.  果然,  1 pm 前真的有人上來, 仲測試到上網無問題, 係我地個 router 壞咗 (其實 30 分鐘前我地已知道, 因為已經問咗我地 用開 o個個電腦人).  之後, 唯有等電腦人上來公司.  影后同電腦人講完電話, 即刻 '馬後豹' 咁話: 『 我頭先都話上唔到啦, 你地又話上到 ~』  語氣好似怪我地, 我地個個忙都暈, 不停出 fax, 只得佢上網 check 野, 其實佢都係 check 自己野, 原本我都唔知 - 個白痴有D 野唔明, 叫我去佢個位度, 我見到佢想開 yahoo 睇野先知, 佢真係好討厭 !  

 

今日成日都好唔方便, rounter 壞了 - 即是我們不能share network, 有些電腦不能印野, 我的電腦不能上 UPS  打 air waybill, 有些 file 儲存在其他電腦 - 所以 link 唔到~   我個位有部 ink jet, 諗住可以唔使煩啦, 但我部機又無 o個個 file, 又要將部 printer 博去另一部電腦, 煩咗成日, 'tun 來 tun 去' ,  好似無做過野咁!!    到 4:xx pm  電腦人終於都上到來啦, 佢換咗個 router 再博好線, 大家都可以 share 到 network 啦!   依家先開始 '工作', 頂!   浪費咗成日!!   工欲善其事, 必先利其器 呢個道理都唔明, 真難為 在這裡 "工作" 的人 !

 

做到 7:30 pm, 無冷氣, 真的頂唔順, 要離開公司 ~