close
今早 5:40 am 掛八號風球, 全靠這個 熱帶風暴 - 北冕 , 我們一班打工仔多一日假期 
這份工返咗兩個月, 真的煩惱多多 ~ 之前 舊Admin. 同事即日辭職, 我 '頂' 咗佢個位幾日已經好辛苦, 請到人之後都好少少, 但每日我和 新Admin 同事lunch time 時 都講某些高層嘅 '不是', 我都好驚佢走, 唯有安慰佢 . . . 上星期六, 我犯咗一個錯誤, 不過我自己也可以補救的, 但我的男上司表示很不滿! 我認係我睇漏眼, 但佢好大聲咁重複又重複咁大聲講, 我諗佢係想講比其他同事知 -- 佢有能力話人吧~ 佢唔諗吓我既工作量!! 佢咩都唔識做, 連打個長途電話都唔識 ~ 公司超過 100 人, 連其他部門既事我都會 '牽涉到' ! 待他講完後差不多 1 pm, 臨近收工, 我返位後都無特別唔高興, 但聽完幾個電話 (公司的), 又安排其他事後, 我開始覺得身邊的同事己開始離開公司, 我諗點解我個部門個個都咁準時走? 點解我唔 6:30 pm 就走 ? 做得多或做得好無人會多謝你, 只會越做越多. 之後我覺得凡事只要做完就算, 總之過到自己就算喇 ~ 之後我就離開公司, 與老公食 lunch, 唔理公司事 ~
星期一回到公司, 男上司表現很寬容, 唔知係咪驚我辭職呢 ? 我呢個位又係 一年換幾個既, 好難請 . . . lunch time 時我將星期六的事講比 Admin 同事聽, 我好怒氣, 我話可能我都唔會捱到出年新年 ~ 但今次輪到佢 '安慰' 我, 可能佢都怕我 走吧, 我地呢兩個係 "三剎位", 又係 一年換幾個~ 昨日 HR 同事 屋企有事, 無端端又關我事, 我要幫手出 email, 又要幫手帶新人介紹公司工作環境和介紹 "公司高層" 比佢地識, 講真, 我只做咗2 個月, 好多人我都唔識, "高層們" 又唔 like 我既 男上司, 不過好彩, 咁啱幾個 "高層們" 唔得閒, 唔使介紹, 順利完成一個任務 ~
上星期我地終於都知點解, 原來係關 男上司事的 , 唉~ 真麻煩, 唯有希望順利做到新年, 我現在要開始準備轉工了 ~
全站熱搜
留言列表
