男上司真的越來越嚴重啦, 自前日開會時我又比佢屈 (明明係佢自己唔清楚要點做, 又叫我做咗先, 老闆話佢做錯咗, 佢又話我 : 『唔明白點解唔問呀?』.... 刪除一大埋廢話!!) ;
之後, 又話男同事做咩有人打佢手機唔聽電話, 又叫佢做好自己本份, 唔好理其他人既事 ….. 其實係佢自己周圍搞事, 人地話佢啫, 但佢竟然覺得係我地 (under 佢既同事) 搞出來 -- 即搵我地來出氣......... 昨日又屈 admin. 同事, 兩星期前明明係佢自己叫人做既事, 仲反問admin. 同事: 『做咩呀? 邊個叫你做? 』 admin. 同事答他係佢叫既, 佢竟唔認, 仲話唔記得點解會咁樣講! 嘩, 上星期我地3個人, 6隻耳聽住 (附近既同事應該都聽到), 佢都話無, 真的有問題! 佢唔只姓賴, 係姓屈架!
昨日公司炒咗個同事, 其他同事猛問我知唔知內情, 我點知哩? 我都唔想知, 知多d, 做多d嘛, 咁就最煩~ 但其他同事個個都話係男上司既主意, 哈哈, 佢真的得罪太多人, 全公司都憎佢 ! 就算唔係佢話, 所有人都當佢係衰人~
男上司今日又屈我, 前兩日佢自己同老闆一齊簽咗份文件, 係佢自己親手寫既野, 到咗昨日 6 PM, 佢叫我望吓份合約, 睇吓有咩問題, 又話今朝早要交比律師做野, 但又叫我唔好睇咁耐喎! 我就望吓就算喇. 睇到有一、兩點寫漏咗d野, 講咗比佢知, 佢無出聲, 咁就算啦~
點知… 午飯後, 律師樓打電話來, 話有一點寫漏咗, 佢即刻叫咗我入房, 話 『已經叫咗你睇, 點解睇唔到有錯架~ 又要同老闆解話啦!』 嘩! 又關我事? 份文件佢地幾個人兩日前簽好, 自己寫漏咗幾隻字賴我 ?? 我無出聲, 等佢自話自說, 講都無用架, 都係要改架啦, 自己錯就賴我! 之後, 我地大家都唔出聲.... 靜哂....... 過咗一陣, 我話, 無其他野我出返去做野, 佢成朝都黑面. 我都無理佢, 做完野放係佢個tray 度就算!
明天下午 (星期六) 又要出街工作, 真煩, 無哂私人時間!
留言列表
