close
昨天 (星期五) Admin.同事遞咗辭職信比男上司, 男上司又問人做咩辭職, 係咪做得唔開心等白痴問題, 其實 under 佢邊個會開心吖~ 大家心照啦, 加上平時 Admin.同事 都有 暗串佢 , 佢都唔多like Admin.同事 ~
到咗 6 pm, 新請返來的 新HR 同事 要趕去睇中醫, 要準時走, 男上司又唔高興, 無端端 6: 30 pm 叫我入房, 話有野同我 '針針' 喎~
我一入到房, 佢問我: "做咩你地好似散哂咁架, Admin.同事做咩辭職呀? 新 HR 同事咁早走既? 佢咩事呀, 又唔舒服呀? 成日都面無血色咁既?"
我咪同佢講唔知點解 Admin.同事 要走lor, 其實佢都知我唔會講架啦, 仲問! 又話 新 HR 同事 身體咁差, 仲話唔知佢頂唔頂得順..... 我真的想問佢, 頂唔頂得順份工 定係你先? 不過, under 男上司 都係無運行, under 佢只會係 ' 能者多勞, 有鑊自己咩' ~
佢仲話已經 有 interview 我個位, 但無個啱, 仲加多句 "都係覺得你 (我) 最好, 你唔好走啦". 我話: "實有人好過我既, 我都唔夠細心, 加上你遲d都會請到 admin. o個個位架啦, 仲有男同事哩~" 佢扮哂野, 又話 open 個位比我, 隨時返來做等等, 真麻煩~
公司有d同事知我已辭職, 個個都來恭禧我, 話我脫苦海, 試問咁既時勢辭職, 邊會有人會恭禧你呢? 但佢地都知我個位超難頂~
今天下午返咗娘家, 去咗月天使食日本野, 平時假期好多人, 但今天無咩人? 原來d野食差咗少少, 不過, 老闆就好好招呼~
美男廚房??
小食拼盤: 海藻沙拉 + 炸雞軟骨+ 雞泡魚干 , 個炸雞軟骨好味!
三文魚炒飯, 可以話係我既主菜~
日式燒餅 - 麻麻地, 和民好味D......
另加一個刺身船, 埋單約HK$310 ~
全站熱搜
留言列表
