close
今天係我和和Babi 結婚周年, 不經不覺已經過了六年, 時間過得真快 。
之前Babi 提議等諾諾放學，晚上一齊到山頂食飯，我唔想帶諾諾出去，寧願自己煮，一來明天諾諾要返學，但最主要係因為佢越來越野蠻!
自返學之後，諾諾學左同學仔d說話，成日亂講野和學左好多壞習慣 (以前打噴嚏時識得掩口鼻/ 知道唔可以對人講"死"字/亂指人係無禮貌/食飯前會叫人食飯等等)，返左學之後又越來越無禮貌，越來越唔聽人講野，仲日日都駁咀，覺得自己咩都識…
Babi 好想晚上帶埋諾諾出街食飯，我話只會去屋企附近食，免得勞氣~~
Anyway, 送左佢返學先~
今日都幾凍，得16度，諾諾第一次著校褸，件褸好大件，佢著左成個小路寶咁 XD
好搞笑!
之後陪Babi 一齊去左深圳，諗住去行吓d shopping mall XD
好快嚟到福田口岸， 自陀諾諾開始都無去過大陸, 我都想去行吓~
之後搭的士去金光華商場行街， 唔買都睇吓 XD
商場都已經有聖誕佈置，但好似無咩聖誕氣氛…
我都知國內嘅商場好大，但只有商場大堂有簡單的聖誕佈置~
行左一陣, 入了這間賣玩具的舖頭，Babi和我一入到去己經好鍾意!
我諗如果諾諾都有嚟，佢一定唔捨得走 XD
d 模型好靚~
Babi 最鐘意呢邊, 真的很有safari 感覺, 因為佢最鐘意馬 ~
Babi 在揀禮物, 唔係比我 
仲有好多車車~
呢張Lego 枱真係靚，玩完d Lego 唔使點執, 啱哂諾諾 XD
如果諾諾嚟到實唔捨得走 
時間有限, 之後要去食午餐先~
Babi 話有朋友介紹附近有間buffet 好味, 但唔想食太飽, 四周圍逛吓有咩食~
之後見有間"一茶一生" 台式飯店, 入去試吓~
點完菜侍應就放低個沙漏, 如d沙漏哂食物還未到, 食店就要送某樣野比食客, 好似係送餐飲卷, 但對我嚟講可能無用 ~
Babi 點咗呢個秘制鹵肉茶葉蛋,
其實不很特別...
呢個酸梅車厘茄酸酸地好開胃!
太多選擇，好多野都想食!
但唔知揀咩好，最後一人點一個午餐，唔使諗 XD
Babi點左個婆豆腐，
原來都幾辣！ 因為國內食嘅係麻辣，真的越食越辣~
我點左三杯雞，但味道普通~
好似好大堆頭咁 
我和Babi 都飲台式奶茶， 但也沒有驚喜~
同朋友傾計傾遲左，3 :15 pm先開始離開!!
過關後即刻打電話到學校話要遲15 分鐘先嚟到接諾諾~
諾諾見我和Babi 一齊嚟接佢, 好開心!
Babi 仲同佢有禮物送比佢, 搞到一路行諾諾一路問送咩比佢...
最開心都係諾諾, 又多兩隻動物了~
今年的結婚周年慶祝過得很簡單, 但難得Babi 可以放一日假, 又可以一齊接諾諾放學, 我也覺得很開心了~
文章標籤
全站熱搜
留言列表
