9 月份啦! Babi 返工好辛苦,
佢話好想抖一抖, 順道帶諾諾去澳門玩吓 (因為開學後好難隨時去玩 lu ~).
諗左兩個星期, 終於可以出發!
諾諾未出發先興奮 
等緊上船期間, 諾諾已經開心到由心笑出來了 ~
落船後幫諾諾"同架船" 影張相, 但佢只掛住望和不停話"頭先搭咗呢隻船", 完全影唔到佢個樣~
有Babi 抱, 最開心係諾諾~
坐 shuttle bus 途中, 諾諾不停四周望, 好新奇啊 
先去酒店check in, 上年來Galaxy 時好少影相, 今次咁啱見到"運財銀鑽", 停低睇吓先~
原本諾諾四周走, 一見到D水咁樣湧上嚟, 佢望到眼定定, 哈哈~
之後仲拖住Babi 一齊睇~
巨型鑽石升上嚟啦!
仲開始變色~
又真係幾靚嘅~
睇完就去醫肚~
好肚餓, 一坐低, 即刻叫野食!
成間餐廳得兩枱客, 之後得番我地, 包場食飯 XD
諾諾在坐定定, 貼貼紙, 真難得~
麵包好快就到喇!
Babi 最鐘意食麵包
呢個茄汁炒蜆好好味呀~
諾諾對d萄國臘腸好有興趣 ~
呢個豬扒燴意粉好好味, 諾諾好鐘意食!
呢個焗飯就嘛嘛...
諾諾食咗好多意粉, 食相仲好恐怖...
食埋呢個木糠布甸, 飽飽嘅一餐~
食完去了手信街, 雖然好飽,
但都要食榴槤雪糕 XD
諾諾見到呢架人力車覺得好新奇, 哈哈~
見到有醒獅助慶~
之後就返酒店, 抖吓, 飲杯茶先~
諾諾好鐘意呢張椅, 仲問我 : "媽咪,我今晚係咪瞓呢度 ?!"
諾諾見到個泳池, 好開心啊 !
由酒店內望出去, 個人造沙灘好靚~
房間好舒服, 諾諾話好鐘意呢度 XD
又問我地 "係咪以後都住係呢度?" 哈哈~
(我都想呀)
我好鐘意呢個浴缸~
好鐘意呢個浴室~
等諾諾瞓醒攪, 可以出去玩了~
諾諾叉完電, 可以去玩水啦!
我地去咗酒店內嘅天浪淘園玩水~
呢個地方好大, 仲有人開緊 bubble party!
我換完衫, 諾諾一見到我出來, 飛奔過嚟, 佢好開心呀!
急不及待出發去游水啦, 哈哈~
行到出去"沙灘", 諾諾好開心, 四周望~
間中會有人造浪, 比諾諾著件救生衣穩陣d~
環境好舒服, 但假期真係多人~
諾諾玩到唔肯走, 哈哈~
我呢... 唔記得執 Babi 嘅泳褲, 佢無得游.....
但可以幫我地影相, keke ~
諾諾對d沙好有興趣 XD
佢好想玩呢d水柱, 但又好驚, 哈哈~
玩完一輪, 之後去隔離泳池游水~
諾諾有咗呢件救生衣, 唔使人幫, 試咗一陣自己可以"浮"了, 哈哈哈~
諾諾玩到好開心哩!
玩咗一輪, 要走了, 真係好唔捨得走 ~
返到房Babi 幫諾諾沖靚靚 XD
沖完涼, 諾諾仲想再沖, 佢好鐘意呢個浴缸,
沖到唔捨起身, 哈哈~
仲話自己"識游水"喎, 哈哈哈~
"游完水", 嘆番杯先~
之後去食晚飯了.
途中又見到車, 仲要係金色嘅車~
諾諾話要影"船", 同佢講呢架"船"叫貢多拉, 佢最後都係講"船" 
行到食店了~
好彩訂咗位, 估唔到都幾full~
見到有師父即席拉麵, 叫碗試吓~
個拉麵好味, 只係湯底鹹咗D~
Galaxy 酒店嘅夜景真係好靚~
食完飯行咗一陣~
諾諾又見到車, 好開心~
夜了, 諾諾今日好疲倦, 是時候要攪攪豬了~
第二朝瞓醒, 飲杯水先~
之後落樓下食早餐.
攞野食先~
食物味道都幾好喎!
諾諾見到d麵包好開心, kekeke ~
唔客氣啦! 睇佢食得真係好得人驚 
...
食完塊麵包, 再食埋件muffin ~
Babi 見有腸粉, 拎比諾諾食 (件三文魚生除外~)
近來諾諾見到腸粉就會好瘋狂 ...
其實佢最鐘意嘅係d甜醬, kekeke ~
佢真係好野, 一共食咗兩碟腸粉...
飲完杯奶, 之後仲食多個餐包...
"題外話" --> 有時d人話: "嘩! 佢咁瘦, 點解比多d野佢食呀?!"
我真係覺得好冤枉囉，佢不知幾食得, 只係"睇餸食飯"咋 !
佢食極都唔肥, 淨係識得長高, 我都無辦法, 總之佢健健康康就得喇~
好彩, 有d有經驗嘅長輩同諾諾食過飯就知咩事~
食飽野, 返房抖一陣, 要check out 了~
如果有時間, 我都想試吓酒店個 high tea, 好似好吸引咁~
四周圍行吓, 之後出發去諾諾最鐘意嘅"景點" ~
唔知真係以為諾諾無食過野, 上到的士又話想飲野~
塞咗一陣車, 嚟到呢個"景點"啦!
之前同諾諾講過話會帶佢去睇車, 但無講幾時, 嚟到賽車博物館門口佢都未知呢道係咩地方, kekeke ~
一入到去, 諾諾開心到呆咗, 哈哈~
諾諾好hyper, 唔知睇邊架車先好呢?!
佢成日想行上d車入面"揸車" ...
Babi 同佢一齊研究一番~
我覺得好攰了 ......
開心到佢哩
職員比咗張遊戲劵我地, 諾諾可以試吓模擬"賽車", Babi 陪佢一齊玩, 佢好緊張喲!
呢隻仔真係好開心
諾諾四周圍睇車, 重複睇咗幾次都唔肯走,
臨離開前仲問我: "幾時會再嚟睇賽車?!"
諗起佢都覺得好笑
中午了, 先去食少少野.
早上食得太多, 其實唔係太肚餓, 最主要比諾諾食~
呢個燴意粉好好食,
澳門D燴意粉好似特別好食咁嘅??!
仲加咗好多蔬菜~
食飽行一陣, 坐 shuttle bus 去酒店~
開頭諾諾周圍望, 但坐坐吓瞓著咗, 佢真係好攰哩 XD
落車喇, Babi 又要"托米"...
上到房, 諾諾周圍睇吓間房靚唔靚, 哈哈~
連張書枱櫈都研究一番 ~
不過, 浴室無大倉咁舒服...
瞓醒攪, 比佢睇一陣pororo, 之後出去行街街~
諾諾問: "呢d 人係邊個? 佢地係度做咩??"
哈哈~
諾諾一見到呢幾架綿羊仔, 開心到震,
又要爬上爬落, 哈哈~
行完一輪, 又要去醫肚, Babi 話想食 buffet, 原本想去澳門旅遊塔360 cafe, 但一早已full, 唯有改去第二間~
唔想去咁遠, 去左附近酒店食,
一坐低, 諾諾見到有小朋友餐具已自己擺好個位 --> 等食 ~
食物種類好多, 不過都好多人~
諾諾: "我唔客氣啦!"
見佢食野時手起叉落咁, 成個大人咁款~
好似好好味咁 ^0^
諾諾好多野都唔食, 出到街迫吓佢食多d其他食物~
我地都要開餐啦!
我主要食熟食, Babi 食左好多魚生 ~
食到咁上下, 輪到甜品時間~
食多d生果先~
之後食埋雪糕!
對於甜品, 諾諾個胃隨時ready
食完晚餐, 差不多8:30 pm, 又周圍行吓先.
好想帶諾諾去睇呢個 Dinosaurs Live! (我好想睇...),
再睇清楚d內容, 話d恐龍枋真度好高, 仲會咆哮 (好神似),
都係唔敢帶佢去睇~
諾諾見到呢D咁colorful "汽球"好開心, 仲以為可以攞落嚟玩~
好似真係攞住咁, 哈哈哈~
途經威尼斯人, 有音樂表演, 諾諾睇到好投入 ~
澳門d建築五光十色, 真係好靚~
夜喇, 要返去攪攪豬了~
第二天, 起床時發現留低件衫在大倉酒店, 真的大頭蝦...
打電話去問過, 好彩酒店幫我keep 起, 又要專登返去攞...
諾諾: "睇我大大隻!" (在學校裡學的 @_@")
之後就去了每次來澳門都要去嘅餐廳食午餐~
我好鐘意呢間餐廳, 覺得好舒服, 食物水準又好~
咁多年, 餐廳的裝修也不變.
諾諾在 "water tasting ", 哈哈哈~
坐定定, 等Babi 整件包嚟食先~
食物未到, 侍應放低了一個薄餅,
我心想: "平時不是上法包的嗎??"
原來呢個薄餅係另外送的 (之後仲有一藍法包) ~
呢個薄餅配自家制的酸蒜茸醬或牛油食, 但唔加醬都好好味!
睇諾諾食到咁就知好味啦, 佢仲食咗好多件, 哈哈~
食野啦!
Cheers~
清一清個口腔先, 之後食pizza 啦!
我最想食嘅, 係佢嘅pizza~
見到諾諾個樣, 好搞笑~
D salami 切得好薄, 好香~
仲要有好多半生熟蛋係底!
其實真係好好味, 但因有半生熟蛋, 唔敢比諾諾食得太多~
臨走前睇人地D魚, 睇到唔捨得走 XD
食飽買完野, 去咗搵史力加影相, 哈哈~
初時諾諾見到"咁大隻"史力加好驚, 要Babi 陪住, 哈哈~
後來可以自己一個人同Shrek影相了~
仲見到呢期佢成日學嘅功夫熊貓
(係, 成日學佢"打功夫" ...)
仲有馬達加斯加, 不過亞力和馬蹄未夠鐘出場~
影左一陣相, 要走啦,
有Babi 抱, 又玩到顛~
途經好多噴水柱, 諾諾每次見到都好開心 :)
時間關係, 晏d要搭船返香港了, 唔可以再周圍去,
去坐低飲杯野~
朦豬眼又嚟啦! 睇吓佢幾眼瞓 ~
叫咗杯babycinno 比諾諾飲, 佢一見到好開心!
仲慢慢品嚐佢杯熱飲, 哈哈哈~ (見到都忍唔住笑)
離開時, 酒店工作人員送隻個汽球比諾諾, 我和諾諾話係條蛇,
Babi 話: "唔多似蛇喎!"
諾諾猛話: "條蛇咬人啦!"
我諗諗吓...
功夫熊貓入面好似有隻鶴嘅物體, 我諗應該係嗰隻鶴~
等車期間諾諾仲係度玩緊, 我好驚佢突然爆咋...
應該未上船呢隻鶴已經會爛...
除咗有個汽球外, 又有人派功夫熊貓形狀嘅扇~
諾諾又玩一餐~
上船啦! 今次諾諾可以企係隻船前面影相啦!
不過有d背光~
睇佢幾開心~
坐低一陣就瞓著咗, 諾諾真係好攰啦!
今次呢個澳門遊好 hea 咁就結束了, 原本仲有兩個地方想去, 但Babi 唔想趕, 無去到...
好想快d可以再去玩過!
希望下次可以買到平套票,
澳門係好方便好多野食, 又啱小朋友, 但消費越來越貴了!
留言列表
