close
之前的 Pre-school 畢業後, 一星期之後就開始幼稚園 K1 生涯了~
提前開學作學前準備, 每天返兩個鍾, 頭大半小時家長跟小朋友一齊上課, 之後就要"分離",
我地家長們去聽家長會~
第一日返學, 諾諾都唔驚, 見到班房內的玩具, 更想攞哂來玩....
又對周圍的環境好有興趣~
諾諾問我: "呢個係咪 8 月20 號 呀?? "
佢睇D數字都估到喎! ( 佢未識"字" 架 )
上課鐘聲響起, 所以小朋友要返埋位, 點名之後老師帶領唱返學的早安歌,
之後就有小遊戲, 開始時小朋友們都怕怕羞羞, 過左一陣, 開始投入了~
諾諾都開始投入"上堂" 了 ~
我地仲一齊在堂上做了個"勞作" ~
諾諾好認真咁"欣賞"緊 ^0^
上堂時老師叫同學們做的勞作, 要即席諗吓想畫 D咩, 主題係咩,
諾諾即刻話想畫海洋生物...
佢話要畫鯨魚, 海豚, 鯊魚, 水母, 還有 XXXX ...
但係得唔夠 10 分鐘時間, 又要"痴", 又要畫, 盡量做啦~
畫完後, 諾諾好似好鐘意呢件 "勞作" 
第二日如常上堂, 放學返屋企瞓醒後, 去接 Babi 同佢食晚飯, 好耐無接 Babi 放工啦!
諾諾好開心!
途經商場有藍精靈的公仔, 諾諾又話要影,
仲學埋佢個表情 ......
飯後 Babi 見諾諾想食甜品, 忍不住叫一個比佢食 ~
諾諾一見到係咁食, 好似無食過野咁 ...
失禮哂 > . <
第三日返學了! 好似已經習慣哂~
見有同學仔喊, 佢都有叫 "小朋友唔好喊" XD
今日早咗少少返到學校, 有時間去攞玩具玩~
.jpg&width=265&height=320)
諾諾真係適合群體生活, 但要學識點樣同小朋友們相處~
又到了 "分離" 時間, 同學們排排隊去洗手間,
我地家長們又去開家長會了~
見到佢地一個排一個, 真係幾得意 ~
當然, 有d見家長一離開, 喊到拆天~
之前買了套 "醫生用具" 比諾諾, 佢返到屋企沖完涼比佢玩, 佢一見到好開心哩!
仲搵我做佢"病人"
晚上簡單D, 食海鮮什菜烏東 
D 蝦好鮮甜爽口! 
到了星期五! 之前的幾日明明好好天, 今天下大雨!
好彩帶埋雨褸接諾諾放學, 但佢見到落大雨好開心哩 !
在堂上更一齊做了勞作, 今次做呢隻鴨仔可以 "拖"住嚟行架, Wahahaha ~
過了頭一個星期的幼稚園生活, 諾諾也很適應校園的生活, 希望佢有個開心的幼稚園生涯啦 ^^
文章標籤
全站熱搜
留言列表
