唔知好嬲定好笑~ @ Happy Joan的部落格

近來少咗比諾諾玩車和睇Thomas & friends, 因為佢真的太沈迷了, 連發開口夢都係講緊 Thomas 或當中的火車頭嘅名~

有時同佢傾計或教佢一些生字, 例如睇緊本書, 書中有個"7" 嘅數字, 佢會話: "呢個係 No. 7, 即係 Toby呀! " (Toby 係Thomas & friends 其中一架火車頭...) 真係無佢咁好氣~

又學埋Thomas & friends 內的火車頭d衰野, 有集有架火車頭成日講" 撞車或要其他人讓路, 雖然最後佢都有教"撞車或又要其他人讓路等行為係唔啱, 但諾諾無學到呢d"正確"嘅野~ 仲好野蠻...

每次玩完d玩具要執時, 我都會話: "你d玩具真的太多, 要送d比其他小朋友啦!"

諾諾: "係啦, 叫Babi 唔好再買玩具啦!"

佢無答過我個問題.... 每次去睇玩具時, 我唔比買佢都會摟Babi, 佢會同我講: 媽咪不如你去睇你d野吖?" (聽到真係好想笑 , 但又要忍住

)

昨日攞番以前盒鬆弛熊 lego 出嚟玩, 估唔到佢砌得都ok 喎!

佢話想砌間屋比鬆弛熊住, 我陪佢一"起樓"~

但係哩... 鬆弛熊都要"玩車"

諾諾突然話: "鬆弛熊要瞓攪, 不如整張床比佢吖?!"
跟住佢自己換咗幾舊lego, 整咗兩個"枕頭" 比佢

諾諾: "你睇鬆弛 bear bear 瞓得幾舒服!" (我都忍唔住笑了

)

電視廣告嘅威力真係好犀利, 諾諾見過呢個廣告幾次, 有次同Babi一齊去超市買野，
諾諾一見到呢盒野, 就話: "coco 呀!"
我: "係呀, 不過你要大d先啱食架!" 　
Babi: " 買一盒比佢食啦, 佢食到啦 "
我: "咁要搵盒細盒裝架"
Babi: "無細盒裝喎, 得一個size 咋... :
我: " 我唔理呀, 咳唔好同我講呀!"

最後, 比諾諾得逞了~

佢見到我唔笑嗰個樣, 佢唔敢出聲, 我真係唔知好嬲定好笑